↥Publicidad
Este verán o Concello de Tui celebrará o I Campus de Fútbol Americano e Fútbol Flag nas instalacións deportivas Álvarez Durán. O campus terá lugar o sábado, 22 de xullo en horario de 1:00 a 19:00 horas, con pausa para o xantar.
Organizado polo Club Vigo Guardians, en colaboración co Concello de Tui, busca brindar unha xornada de iniciación e coñecemento deste deporte. A actividade é totalmente de balde e non é necesario contar con equipación, xa que o equipo levará os cascos e as corazas.
Dirixido a xogadores dos dous sexos, en idades a partir dos 14 anos, os interesados poden inscribirse na web www.vigoguardians.com, no facebook vigoguardians ou no número 649 676 566.