Moaña convértese en cada verán nuns multicines ao aire libre. Cada parroquia moañesa acolle unha proxección. Trátase do ciclo Moaña Son de Cine, unha entrega que pretende achegar o sétimo arte a diferentes partes da vila morracense. O evento comeza este venres 19 de xullo, ás 22:00 horas, na Praza Vinte e Cinco de Xullo, en O Rosal. A proxección que estreará o ciclo será “Campeones”, a premiada película de Javier Fesser e protagonizada polo galego Javier Gutiérrez que aborda a historia de Marco, un adestrador profesional de baloncesto, que atópase un día, en medio dunha crisis persoal, formando a un equipo composto por persoas con discapacidade intelectual. O que comeza como un problema acaba convértese nunha lección de vida.
Todas as proxeccións do ciclo Moaña Son de Cine son de balde. O seguinte pase desta serie trasladarase ao parque infantil de Tirán o vindeiro mércores 24 de xullo. O público familiar poderá ver “Asterix: El secreto de la poción mágica” ás 22:00 horas. As seguintes proxeccións xa serán no mes de agosto. O roteiro cinéfilo levaranos o venres 2 de agosto ao CC Daniel Castelao en Quintela para ver “Lego Película 2” (22:00 horas), o venres 9 de agosto ao Adro Igrexa da Peregrina, en Latón – Meira, para poder gozar de “Ralph Rompe Internet” (22:00), o venres 16 seguirá esa aposta polo cine familiar no Aparcadorio do Parque O Real con “Los increíbles 2” (22:00) mentres que o penúltimo pase terá lugar no CEIP Domaio o venres 30 de agosto con “Johnny English de nuevo en acción” (21:30). Moaña Son de Cine despídese o venres 6 de setembro no Adro da Capela dos Milagres, en Verducedo, con “Cómo entrenar a tu dragón” (21:30).
