O Concello de Arbo, ven de poñer en marcha a actividade cultural para ir facendo camiño a nova normalidade con actividades adaptadas sempre cumprindo coa normativa, pero que ofrecen un momento de lecer e divertimento para a poboación infantil do municipio.
Dentro da programación programada para o Outono Cultural do ano 2021, ten programada a actuación dos Bolechas co titulo “Os Bolechas Fan o Camiño Marciano”, o vindeiro día 23 de outubro ás 18:00 horas no Auditorio d Centro Multiusos de Arbo. Como sempre a entrada é gratuíta ata completar aforo e obrigatorio o uso da máscara e as demais recomendacións recollidas no protocolo COVID. A actividade esta encadrada no programa de dinamización da Lingua galega da Secretaria Xeral de Política Lingüística “Falaredes”, ao que esta adherido o Concello de Arbo.
Dende o Concello de Arbo solicitan a colaboración dos asistentes para que se cumpran todas as medidas COVID para o evento e outras medidas como que os nenos e nenas participantes vaian acompañadas por un adulto, que en todo momento se utilice a máscara e que se cumpra coas indicacións dadas polos voluntarios e colaboradores do Concello de Arbo, encargados de supervisar e facer cumprir os protocolos e recomendacións das autoridades sanitarias durante toda a actividade.