↥Publicidad
O Concello do Porriño vén de abrir o prazo para a inscrición nos seus campamentos de Nadal para nenos de entre 5 e 12 anos do municipio. Os campamentos, que buscan “facilitar a conciliación da vida laboral e familiar”, funcionarán de 9:00 a 14:00 horas con música, obradoiros ou animación á lectura.
O prazo de inscrición para o mesmo quedou aberto este luns, día 27 de novembro, e non pechará ata o 15 de decembro. As persoas que precisen máis información poden dirixirse ao Centro de Información á Muller, no 3º andar do Concello, ou chamar ao número de teléfono 986 337429.