Alimentación saudable e produtos naturais, este domingo en Tomiño

Este domingo 24 de setembro o Concello de Tomiño pon en marcha unha nova edición do Biomercado, no que terán cabida máis de 60 expositores dos que polo menos 20 estarán dedicados á alimentación saudable.

As diferentes actividades terán lugar na Praza do Seixo, na súa contorna é no mercado. Así mesmo a Casa do Concello albergará diversas charlas e conferencias. Os praceiros do Mercado de Tomiño tamén participan activamente no Biomercado, cunha variada oferta de produtos e actividades.

Másnoticias

Tomiño se prepara para una gran fiesta de los callos este mes de mayo

04/05/2025

Choca con un muro en Tomiño con una tasa de alcohol seis veces superior a la ley

23/04/2025

Ampla programación de actividades paralelas

A programación iníciase coa apertura dos postos ás 11:00 horas. Ao longo de todo o día desenvolveranse obradoiros relacionados coa cociña é a gastronomía, como a elaboración de almíbares, con Amparo Grandío, extracción de mel por Apícola Requeira, comida vegana, etc.

Ademáis Terán lugar charlas de temas diversos como a Vespa velutina a cargo de Claudio Fraga, minicharlas sobre compra saudable, plantas silvestres, interpretación nutricional da etiquetaxe a cargo de Silvia Méndez, etc.

Simultaneamente haberá actividades lúdicas tales como música en directo, zumba, cociña infantil, maxia, e unha intensa actividade de oferta degustativa.

Cabe mencionar, como novidade de interese, as mini charlas na Casa do Concello sobre a lista da compra e técnicas de cociña biosaudables, a etiquetaxe nutricional e o uso das plantas silvestres na alimentación, a cargo da bióloga Silvia Méndez e do experto en agricultura ecolóxica, Sergio Mejide.

O Biomercado consolidase como unha cita anual para a posta em valor é dinamización do comércio local, e supón unha ratificación da aposta do concello polo benestar, a ecoloxía, a biocultura, o mercado de proximidade e a dinamización do mercado local.