Concentración ante o edificio do Centro Fotográfico de Vigo para esixir a súa apertura

Nova protesta en Vigo. O cambio de uso do Centro de Arte Fotográfica de Vigo, que pasará a ser sede da Deputación de Pontevedra na cidade, parece non ser do agrado de todos. Diferentes movementos sociais convocan este venres 18 de outubro unha mobilización que pide manter o uso orixinal do museo á vez que converterán a Praza Chao nunha mostra fotográfica. Consideran que a cesión do Concello á institución provincial supón a perda dun espazo cultural, un espazo que nestes últimos anos estivo carente de contido, baleiro, e sen abrir as súas portas tras unha breve inauguración en 2015.

A concentración é un chamamento a toda a cidadanía. Non vai dirixida só ao colectivo de fotógrafos. O obxectivo é que todas as persoas que se acheguen á Praza Chao este venres ás 19:00 horas vaian acompañados cunha imaxe do fotógrafo que desexen. A finalidade da protesta é esixir a apertura do Centro de Arte Fotográfico de Vigo no formato que estaba previsto cando se construíu.

Másnoticias

Investigan por un delito de lesiones con arma blanca al vecino de Vigo que apuñaló a otro hombre en Coia

02/06/2025

Un todoterreno pierde el control y termina zambullido en plena Praza América de Vigo

02/06/2025

O Centro de Arte Fotográfico de Vigo inaugurouse en 2015. Estivo aberto só tres meses. En agosto pechaba as súas portas ata xaneiro de 2020, momento no que o edificio recuperará a súa actividade para albergar a nova sede da Deputación de Pontevedra, segundo anunciu o rexedor vigués, Abel Caballero.

O alcalde de Vigo sinalou esta mañá en rolda de prensa que o convenio de cesión do Centro de Arte Fotográfico de Vigo inclúe o compromiso de seguir mantendo un edificio dedicado á fotografía, coa organización de exposicións e coa planta baixa dedicada a exhibir diferentes mostras.

A Xunta de Goberno Local deu o visto bo este xoves ao proxecto de convenio coa Deputación de Pontevedra para a cesión do edificio municipal da rúa Alta esquina coa rúa Chao e a extinción do dereito de uso sobre o edificio do número 3 da rúa Oporto, que pasará a usar Zona Franca logo da súa compra ao Concello. A Deputación de Pontevedra executará e custeará as obras necesarias para adecuar o uso do edificio e asume tamén os seus gastos ordinarios.