Vigo énchese de pancartas contra os "prezos da vivenda máis altos de Galicia"

A organización estudantil ANEGA vén de poñer en marcha unha campaña en Vigo para denunciar os elevados prezos do aluguer na cidade. Con accións en diferentes puntos da cidade, a organización esixe una regulación inmediata para lograr prezos asumibles.

A campaña, que conta con réplica noutras cidades de Galicia como Coruña, Compostela ou Ourense, iniciou este martes a primeira fase de visibilización, cunha pegada de carteis en diferentes puntos da cidade. Após disto, a segunda fase estará encamiñada a formular as reivindicacións urxentes que precisan as cidades galegas para solucionar os problemas dos alugueiros con novas accións reivindicativas.

Másnoticias

Adiós a la curiosa tienda donde se teje la historia de Vigo, "liquidación total por jubilación"

18/10/2025

Límites de 20km/h, transformación de calles como Gran Vía y "zonas tranquilas", así será el 'nuevo Vigo'

18/10/2025

ANEGA denuncia que Vigo sofre “o alugueiro máis caro de Galicia, a 738 euros mensuais de media, mentres hai máis de 18.000 pisos baleiros”. Unha problemática padecen con “especial dureza os estudantes e a mocidade en xeral, pois un 81% destes últimos non se pode independizar das súas familias”.

Ao longo do día 3 de marzo, pegáronse pola cidade pancartas para visibilizar esta problemática que ameaza con medrar cada vez máis, da man de fenómenos coma a proliferación dos pisos turísticos. “Alugueiros asequibles xa!” ou “Regulación xa!” foron algún dos lemas empregados, que destacaban a gran subida dos prezos dende setembro 2017 (657€ daquelas, unha diferencia de case cen euros ao mes) e outros datos alarmantes na “cidade das luces”.

Pode ser do teu interese: El 20% de los propietarios de Airbnb en Vigo alquilan dos o más alojamientos [MAPA]