Lóxica e memorización como “combustible” da mente en Salceda

A Concellaría de Benestar Social do Concello de Salceda de Caselas, dirixida por Teresa Pérez, vén de anunciar a posta en marcha dunha nova edición do programa “Cultiva a mente”, un proxecto que engloba a prevención da demencia e a promoción de hábitos saudables a nivel cognitivo e emocional.

O programa de actividades, destinado a persoas maiores de 55 anos sen deterioro cognitivo, explorará as preocupacións e necesidades de cada individuo de xeito personalizado para proporcionarlle hábitos saudables no plano cognitivo.

Másnoticias

Salceda acogerá una gran degustación de setas en una de las fiestas gastronómicas clásicas del otoño

02/11/2025

El PP exige dimisiones tras la manipulación de una foto eliminando a su portavoz en Salceda

01/11/2025

“Cultiva a túa mente” facilitará a organización de actividades de memorización, así como tarefas nas que se estimule a lóxica, a planificación, a organización e a toma de decisión, tanto individual como grupal. Realizaranse tamén exercicios para mellorar a orientación temporal, espacial e persoal, ensinándolles ás persoas maiores a empregar axudas externas para orientarse.

As actividades levaranse a cabo os martes a partires das 11:00 horas no centro Social da Devesa, e correrá a cargo de AFAGA (Asociación de Familiares de Enfermos de Alzheimer e outras demencias de Galicia). As persoas interesadas deberán formalizar a súa inscrición no Rexistro Xeral do Concello, lembrándose que as prazas son limitadas e que se asignarán por orde de inscrición.

Tamén en Ponteareas

No concello de Ponteareas o programa Activa-Mente celebrarase todos os luns e mércores da man dos profesioanis de AFAGA para atender aos enfermos de Alzheimer e traballar de xeito personalizado coa realización de distintos exercicios que tentar por freo a esta doenza.

Grazas a esta colaboración, realízase unha dobre atención. Por unha banda, desenvólvense talleres de estimulación cognitiva e motriz, dirixidos ás persoas que sofren unha demencia ou manifestan problemas de memoria. E, doutra banda, AFAGA ofrece atención psicolóxica a familiares, asesoramento social, legal, cursos de formación e distintas terapias que axuden aos pacientes e ao seu entorno a convivir coa enfermidade e ralentizar o avance.

Todos os interesados e interesadas en Ponteareas deberán chamar ao número de teléfono 986 22 97 97 ou nos Servizos Sociais do Concello de Ponteareas na rúa Oriente.