Este venres, o IES As Barxas de Moaña acolleu a xa tradicional Gala do Deporte moañés, que este ano estreaba un novo premio centrado na igualdade. O Pirata Fútbol Sala foi o club gañador desta nova mención especial para as entidades que promoven a igualdade neste ámbito. Foi a gran novidade nun evento que durou hora e media nun ambiente "áxil" e que estreaba novos decorados con respecto a edicións anteriores.
Na categoría de mellor deportista masculino o premiado foi o xogador celeste Iago Aspas. O internacional español non puido finalmente estar presente ao ter que xogar unhas horas despois en Balaídos fronte ao Eibar (Sábado, 24, 13:00 horas). Os encargados de recoller o premio foron a súa moza Jennifer Rueda e o seu fillo, Thiago Aspas.
Pola súa parte, no apartado feminino, a gañadora foi a patinadora Marina Oliveras Argibay, que milita no Club Freestyle Slalom Vigo.
Manuel Paz Romero (Taekwondo Hebe) foi o gañador do mellor deportista promesa masculino, mentres que Tania Castiñeira Etcheverría (Taekwondo Hebe) recibiu o premio na categoría feminina. O mellor equipo de Moaña neste pasado ano foi o Equipo Júnior S.D. Tirán (feminino) e o Trío Júnior Técnica Hebe (masculino).
O Balonmán Moaña fíxose co premio á mellor entidade deportiva mentres que no mellor equipo promesa masculino o galardón recaeu no Trío Júnior Técnica (Taekwondo HEBE) e o promesa feminino foi para o S.D. Tirán Júnior Feminino. Pola súa parte, o Balonmán Moaña Sénior gañou o premio ao mellor equipo senior masculino e o S.D.Samertolameu Sénior fixo o propio no apartado feminino. Por último, no mellor equipo veterano foron galardoados o Máster Combate Hebe (Taekwondo HEBE) -na categoría masculina- e o Atletismo Samertolameu -na feminina-.
Tatiana Rivas Fervenza (Taekwondo Hebe) e Jacobo Ríos Cortegoso (Taekwondo Hebe) recibiron o recoñecemento ao mellor deportista veterán feminina e masculino, respectivamente. Noelia Pérez Estévez (Taekwondo Hebe) foi declarada a mellor adestrador ou adestradora.
Por último, Jesús Corbacho Martínez (S.D. Samertolameu) recibiu a mención de honra e as distincións en atletismo foron para Rosa Ana Santos Ríos; en baloncesto para David Villar Durán; en balonmán, Raúl Manuel Martínez; en ciclismo, Sergio Brun; en fútbol, Ana Buceta; en remo, Jacobo Gayo Ríos; en Taekwondo, Myriam García e en tiro á chave, Vicente Verdeal.
A gala, dirixida por Abraham Martínez, contou coa presenza da alcaldesa, Leticia Santos, a concelleira de promoción económica, Coral Ríos, o concelleiro de Cultura, Salvador Meira, así como diferentes membros da corporación e outras autoridades.
El Celta ha anunciado el plazo para solicitar las entradas del primer partido como visitante en la Europa League. ¡Así es la inscripción!
El Celta abrirá su participación europea lejos de Balaídos el próximo 25 de septiembre ante el Stuttgart alemán
El centro educativo de O Porriño es uno de los seis que se suman este curso a impartir el Bachillerato STEM
El Celta se medirá a estos ocho rivales en la Fase Liga de la Europa League: estos son los adversarios, viajes y fechas del EuroCelta
O seu traballo céntrase na extracción verde de compostos bioactivos de subprodutos agroalimentarios
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL