Natureza, deporte e actividades infantís no espectacular Cross do Cabo Udra

Tras os éxitos das primeiras edicións, o vindeiro 17 de xuño regresa o III Cross Popular de Cabo Udra, que combinará natureza, deporte e actividades complementarias nunha contorna privilexiada da costa de Bueu.

Este cross seguirá o mesmo sistema que o ano pasado, integrándose dunha carreira absoluta de 10 quilómetros e diversas categorías con percorridos adaptados segundo a idade, que van desde os pitufos de 3 anos (2014), pitufos de 4 anos (2013), pitufos de 5 anos (2012), minibenxamín (2010-11), benxamín (2008-09), alevín (2006-07), infantil (2004-05), cadete (2002-03) e popular (a partir de 2001).

Másnoticias

Dimite el coordinador de Cultura del PPdeG por la "incompetencia" del conselleiro López Campos

19/11/2024

El Mercado ecológico y artesanal de Bueu llega con música, puesto gastronómico y talleres

15/11/2024

Aínda que hai diversos circuítos segundo as categorías, no caso da carreira absoluta destaca a variedade de espazos. A saída será en Chan de Esqueiros, con volta a Udra ata o campo de tiro, de novo un rodeo a Udra e subida ao campo de fútbol con baixada polo monte. Este percorrido poderá ser recoñecido polas persoas que o desexen este domingo, 3 de xuño, ás 10.00 h.

https://vimeo.com/264206823

Actividades paralelas para os cativos

O alcalde Félix Juncal destacou na rolda de prensa de presentación da proba que “é moi importante o protagonismo que se lle dá aos máis pequenos e pequenas”. Esta importancia reflíctese nas actividades paralelas que terán lugar neste espazo, como a tirolina de 200 metros, o rocódromo, xogos populares da man da Asociación Juan XXIII de Cangas, un parque infantil, unha proba de orientación e unha exhibición de zumba.

Ademais, co obxectivo de dar a coñecer o espazo de Cabo Udra, o concelleiro de deportes, Manolo Otero, será o encargado de guiar unha andaina a partir das 12 do mediodía. Búscase que “as familias acudan a este espazo para pasar o día nas diversas actividades”.

Cono anotarse

As inscricións están abertas na web www.prueba-t.es ata o 13 de xuño ás 23.30 horas. O custe de participación será de 6€ unicamente no caso da carreira absoluta, no resto das categorías é gratuíta. Desde a organización destacan que os centros educativos disporán de prazo ata o 8 de xuño para apuntarse vía correo electrónico.

Na rolda de prensa tamén estiveron presentes Manuela Millán, presidenta da ANPA Cabo Udra, Vanesa Carballo, directora do CEIP Montemogos, Marcos Torres, coordinador do Cross, Ricardo Verde, presidente do Club de Atletismo Corredoira, Teresa Lagos, directora da Asociación Juan XXIII, Fran Soliño, responsable do Taller Ocupacional da Asociación Juan XXIII e Daniel Otero, usuario da Asociación.