O futuro da BTT descóbrese este domingo en Ponteareas co seu campionato “Mini”

A concellería de Deportes, que dirixe Benito Márquez, e o presidente do Clube Ciclista Ponteareas, Marcos Porto, presentan o Gran Premio Mini BTT que terá lugar o vindeiro domingo 15 de xullo a partir das 11 horas.

Arredor de 500 ciclistas de todos os clubs de Galicia competirán nesta proba para equipos federados nas categorías de benxamín, promesa, principiante, alevín, infantil, cadete e feminas.

Másnoticias

Ponteareas estrena un verano de salud y naturaleza con sesiones gratis de ejercicio

25/06/2025

Todos los detalles del mejor festival gratis de Ponteareas para empezar el verano

22/06/2025

A proba disputarase no campo de adestramento do Club Ciclista Ponteareas nas Cachadas e sorteará agasallos ao remate da proba. Tamén disporá dunha cantina aberta ao público. Ciclistas de toda Galicia de entre tres e dezaseis anos pedalearán no circuíto do Club Ciclista Ponteareas que convida a toda a veciñanza a gozar deste espectáculo deportivo.

Todo preparado para as “6 horas Vila do Corpus”

Ademais da proba deportiva do domingo, Ponteareas vivirá o sábado a segunda edición das “6 horas nocturnas Vila de Corpus”, que terá lugar o sábado de 20:00 a 02:00 horas con saída na Praza Maior.

Este evento deportivo brindará, un ano máis, o seu apoio á Asociación Down-Vigo, asociación adicada á integracións de persoas con síndrome de Down, quen terá durante a proba un stand onde informarán a súa asociación á veciñanza sobre a mesma. Neste stand venderanse camisetas solidarias da proba. O ano pasado, cos 5600 € que se conseguiron coa proba, desenvolveron o proxecto “Alida”, que consiste nun curso da Universidade de Vigo de dous anos de duración, onde un grupo de rapaces e rapazas con síndrome de Down e discapacidade intelectual se están formando para realizar traballos no ámbito da administración de empresas.

Nesta carreira tamén actuarán, para amenizar a tarde-noite, a Charanga SDK e o grupo Roncofol.

Cun perfil plano e coa opción de partipar de xeito individual ou por equipos, os corredores darán o mellor nun percorrido urbano dun quilómetro.