Os outros Xogos Olímpicos dispútanse este sábado en Moaña

Moaña convértese en Atenas. O espírito e a filosofía das Olimpíadas inunda este sábado 8 de xuño as Pistas de Atletismo da Xunqueira. O recinto deportivo convértese no escenario dunha nova edición das Olimpíadas escolares que organizan a Federación de Anpas de Moaña, o Concello de Moaña e o Club Samertolaméu.

As Olimpíadas Escolares de Moaña reunirán a 555 nenas e nenos procedentes de nove centros educativos. As e os deportistas competirán a nivel individual ou polo equipo de cada colexio. Nesta cita deportiva hai probas como o lanzamento de peso, xavalina, salto de lonxitude, salto de altura ou carreiras de 1.000 metros liso ou 60 metros valados.

Másnoticias

Rueda justifica ocupar vía pública para el antiguo chalé de Feijóo en Moaña: "Había motivos de seguridad"

15/09/2025

Remolcado a Vigo un pesquero con seis tripulantes que se quedó sin gobierno en la Costa da Vela

12/09/2025

O evento contará con participantes que van dende categorías prebenxamín (nados en 2014) ata infantil (2006). A participación pode ser por equipos ou individual. A composición por equipos será dun máximo de oito atletas por proba, se ben só puntuará para o equipo o primeiro dos clasificados de cada centro. No obstante, cada atleta poderá participar como máximo en dúas probas individuais das establecidas para a súa categoría. En tódalas categorías haberá un só equipo de relevos.

Os premios que se establecen son 204 medallas (84 para infantís, 72 para os alevíns e 30 para os benxamíns e 18 para prebenxamíns). A organización tamén entregará galardón ao atleta masculina e feminino que bata algún récord dos establecidos para cada proba e categoría ou logre a maior puntuación en carreiras e concursos. Ademais haberá tamén dez trofeos para os equipos e seis para os gañadores do triathlon.

O evento terá lugar ao longo da xornada deste sábado 8 de xuño. O horario das Olimpíadas Escolares serán de 10:30 a 14:00 horas e de 16:30 a 19:00 horas. A inscrición para participar nesta cita deportiva xa está pechada. Ademais dos 555 deportistas, o evento terá contará entre 80 e 100 persoas entre voluntarios e xuíces.