Adxudicada a humanización da contorna da ermida de San Eleuterio, en Mos, por máis de 786.000 euros

A Xunta de Galicia vén de adxudicar por máis de 786.000 euros a obra para a humanización da contorna da ermida de San Eleuterio, localizada na parroquia de Tameiga, no concello de Mos.

Segundo indica a Xunta, esta actuación será cofinanciada nun 70% e nun 30%, respectivamente, polo Goberno galego e o Executivo municipal, tal e como se recolle no convenio asinado a tal fin o pasado mes de marzo entre ambas administracións.

Másnoticias

Vigo recuperará una villa romana de más de 7.000 metros cuadrados junto al mar

20/10/2025

O Porriño licita un nuevo contrato de Axuda no Fogar con protocolos antiacoso y mejores condiciones

20/10/2025

Os traballos, que contan cun prazo de execución previsto de seis meses consistirán na remodelación do entorno da referida ermida a través da dotación de zonas verdes, da renovación completa do mobiliario urbano e da repavimentación do solo. Ademais, a empresa adxudicataria, Contrucciones Obras y Viales S.A. (COVSA), tamén terá que velar pola protección de todos os elementos culturais existentes, como o propio edificio relixioso, o cruceiro ou o peto de ánimas.

O obxectivo principal que se persegue a través desta intervención urbanística é "converter a zona nun espazo público de calidade no que se lle dará prioridade aos peóns sobre os vehículos", indica a Xunta.