Ana Miranda defende en Redondela a implantación dun Estatuto Europeo do Artista

A candidata do BNG ás eleccións europeas, Ana Miranda, defendeu a necesidade de implantar un Estatuto Europeo do Artista para "evitar discriminacións" entre os diferentes estados. Nunha visita ao Festival de Monicreques de Redondela, a nacionalista reivindicou que a voz do Bloque en Europa é "fundamental" para que os artistas galegos teñan "os mesmos dereitos que os artistas belgas", de forma que o Estatuto Europeo do Artista inclúa todo tipo de artes.

Así, a eurodeputada galega incidiu en que, no caso de Bélxica, "os artistas contan cun salario establecido e negociado polo estado". Neste sentido, puxo en valor que foi o grupo parlamentario da Eurocámara no que está incluído o BNG o que lanzou esta iniciativa a nivel europeo. "Xa que o debate non está finalizado, alcanzar este estatuto será un dos retos da próxima lexislatura", destacou a eurodeputada do Bloque.

Másnoticias

Denuncian la "situación dramática" de la sanidad gallega y exige al PP "una rectificación de 180º"

23/11/2025

El BNG pide a la Xunta que solvente deficiencias en la atención sanitaria en Salvaterra

21/11/2025

En concreto, tal e como destacou o BNG nunha nota de prensa, este estatuto propón que os estados membros apliquen as recomendacións da Unesco relativas ao "estatuto dos artistas", das que todos son asinantes, tendo en conta que todos os traballadores están amparados polo ámbito laboral da UE, así como pola lexislación laboral nacional.

Outro dos aspectos que contempla este estatuto fai referencia a que os estados membros asignen os recursos económicos e humanos adecuados para o fortalecemento das disciplinas artísticas en todas as etapas educativas nas actividades curriculares e extraescolares. "As condicións sociais e laborais xustas son fundamentais para garantir a liberdade de expresión artística de todos os creadores", manifestou Ana Miranda.