O Bloque Nacionalista Galego ven de anunciar, a través dun comunicado, que presentará unha denuncia perante a Xunta Electoral de zona polor "uso partidista" da Entidade Local Menor (ELM) de Bembrive por parte do PSOE. A fronte nacionalista censura o anuncio dun acto de carácter electoral da candidatura socialista, coa participación do alcalde de Vigo, Abel Caballero. Según indican, o anuncio foi publicado este sábado na páxina oficial de Facebook da ELM e eliminado horas despois. Un feito que, a xuízo do BNG, "vulnera o disposto na Lei Orgánica do Réxime Electoral Xeral".
“É indecente que se utilice unha institución pública para facer propaganda electoralista a escasas semanas dunhas municipais”, criticou o candidato do BNG á Alcaldía pedánea, Roberto Fernández Vila, que afeou ademais que na publicación se aluda “a nosa candidatura, como se a lista do PSOE fora a da propia Entidade".
Fernández Vila valorou estes feitos como "un exemplo máis da xestión caciquil que marcou os gobernos do PSOE na Entidade Local Menor de Bembrive", cuxos dous anteriores pedáneos resultaron condenados por casos de corrupción.“Urxe abrir unha nova etapa na ELM que deixe atrás estes anos escuros e de ruína”, defendeu.
Pola súa parte, o concelleiro e candidato do BNG á alcaldía de Vigo, Xabier P. Igrexas, inscribiu esta “flagrante utilización partidista e electoral” dentro da permanente “apropiación da Entidade Local Menor de Bembrive por parte do PSOE”. “Levan moitos anos tratando a Entidade como o seu negocio particular, cunha xestión nefasta envolvida en reiterados casos de corrupción. É hora dun cambio que, por pura hixiene democrática, devolva a Entidade Local de Menor ás veciñas e veciños de Bembrive, e ese é o compromiso do BNG”, reclamou.
Igrexas esixiu ao PSOE que deixe de utilizar as institucións para o seu “vantaxismo electoral”. “O que ten que facer Abel Caballero en Bembrive é dar a cara dunha vez e explicar como os dous últimos alcaldes pedáneos do PSOE, designados e patrocinados persoalmente por el, suman 20 anos de inhabilitación e varios de prisión para un deles, un verdadeiro récord de corrupción na nosa cidade”, reclamou.
Vigo mantiene su idilio con Nueva York. Caballero saca pecho de los esfuerzos del Concello por enamorar a Estados Unidos
Losetas levantadas, caídas y filtraciones, esta es la denuncia de unos vecinos de Vigo. Aseguran que llevan 5 años sin respuesta del Concello
Prisión provisional sin fianza para la detenida por el crimen en la antigua estación de Vigo. La víctima, un hombre sin hogar de 56 años
El edificio de un emblemático negocio de Vigo se prepara para una nueva vida. Tras años en el abandono, las obras arrancan cerca de Porta do Sol
Prevén que la descentralización empezaría a implantarse de forma progresiva el curso que viene, durante un plazo de tres años
No hay eventos
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL