De cara a evitar aglomeracións o día 1 de novembro, festividade de Todos os Santos, e dada a actual situación de emerxencia sanitaria, o Goberno local de Redondela recomenda á veciñanza adiantar a compra de flores e o arranxo das tumbas nos cemiterios, “como medida para evitar aglomeracións de última hora e cumprir coas ordes das autoridades sanitarias ao respecto”.
Asemade, o Concello que preside Digna Rivas, anunciou a adopción de medidas estritas de control nos cemiterios de titularidade municipal –Eidos e Mañó– cuxo cumprimento será vixiado por Protección Civil e Policía Local.
Así, estableceranse itinerarios de entrada e saída nos camposantos municipais e limitarase o aforo polo que o Concello, de cara a cumprir este límite de ocupación, “aconsella ás familias que as visitas non excedan os 30 minutos”, sinala o concelleiro responsable de Cemiterios, Vicente Lamas, ademais de cumprir as medidas de protección como o uso obrigatorio de máscara en todo momento, mantemento da distancia de seguridade e a prohibición de fumar sen descartar “que nos momentos de máxima afluencia, e se así o aconsella a situación, establézanse sentidos de marcha dentro dos propios cemiterios para evitar cruzamentos de persoas”.
As medidas de protección, sinala a alcaldesa Digna Rivas, deben aplicarse á hora de acudir as florerías para mercar as flores, polo que é importante “que adianten a súa compra para evitar as aglomeracións de persoas, prohibidas polas recomendacións sanitarias da Xunta de Galicia”.
A alcaldesa de Redondela, Digna Rivas, fixo tamén un chamamento á responsabilidade da veciñanza que, lembrou, “durante o confinamento tivo un comportamento exemplar que segue mantendo nesta época complicada”.
En todo caso, engadiu a rexedora local, as medidas que adopte o Concello nos cemiterios da súa competencia, “dependerán das directrices que marque nas próximas horas a Consellería de Sanidade e da evolución da pandemia na comunidade autónoma”.
Digna Rivas rematou asegurando que “veciñas e veciños poderemos seguir honrando aos nosos defuntos pero seguindo, en todo momento, as normas de seguridade sanitaria que impón esta situación excepcional”.
Tras triunfar en Oporto, llega a Vigo uno de los locales más top de "bubble tea". Esta es la propuesta con la que quieren conquistar la ciudad
La Xunta ha anunciado novedades para acceder al Bono Concilia Familia, unas ayudas que permiten contratar a alguien para el cuidado en el hogar o utilizar servicios como ludotecas o campamentos
El ANPA publica un vídeo en el que se aprecia como cucarachas así como sus restos campan por el almacén del comedor y en la propia estancia
"Te comunico que esto es un atraco", había escrito este detenido por asaltar una farmacia en Vigo. Fue una empleada quien lo identificó tras huir
A nova directa do equipo apunta que o obxectivo máis ambicioso para esta nova tempada é o cambio de combustible a etanol
Puedes encontrarnos en nuestras redes sociales o, si lo prefieres, ponerte en contacto con nosotros a través de [email protected]
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL