Demandan ao Concello de Vigo que actúe contra a empresa de seguridade dos museos

O BNG anunciou este mesmo sábado que se dirixirán de inmediato ao concelleiro de Cultura, Abel Losada, para demandar que actúe contra a empresa Seguridade A1, que é a que presta o servizo de seguridade para a Rede Museística municipal polos seus reiterados incumprimentos.

O portavoz municipal da fronte nacionalista, Xabier Pérez Igrexas, denuncia que a empresa aínda non aboou a paga extra de Nadal aos seus traballadores. Ademais, o edil sinala que son reiterados incumprimentos das súas obrigas, entre os que citou que non teña renovado a uniformidade e roupa de traballo do persoal e que tampouco realizara a formación anual obrigatoria.

Másnoticias

La Porta do Sol de Vigo suma una nueva propuesta gastronómica con este nuevo local

23/11/2025

Caballero confirma su deseo de que Vigo tenga grandes conciertos "este mismo verano" en Balaídos

23/11/2025

O BNG de Vigo apunta que debido á situación económica da empresa, a firma podería sufrir novos embargos nas súas contas, poñendo en risco mesmo a capacidade para pagar os salarios ordinarios a pesar de que recibe puntualmente as transferencias do Concello de Vigo.

“O Goberno municipal e, singularmente, Abel Losada non poden seguir ollando para outro lado. Son traballadores que prestan un servizo para o Concello de Vigo financiado con recurso do Concello de Vigo”, expresou o concelleiro nacionalista reclamando que se adopten decisións con urxencia perante unha situación que é coñecida pola executiva local hai varias semanas.

Para a fronte nacionalista, o Concello ten que garantir que empresas que reciben diñeiro público, como é o caso, cumpren escrupulosamente coas súas obrigas, tanto co servizo como especialmente as condicións laborais e salariais dos seus traballadores. “Non podemos permitir que unha empresa que recibe diñeiro do Concello non pague ao seu persoal”, enfatizou Igrexas, para o que demanda que se utilicen todos os mecanismos legais previstos para resolver esta situación.