O BNG de Vigo critica o financiamento público de procesións como a do Cristo da Vitoria

Ningún nin ningunha representante institucional Bloque Nacionalista Galego de Vigo acudirá á procesión do Cristo da Vitoria. Un ano máis, a fronte nacionalista desmárcase do "anacronismo" que supón a presenza de cargos públicos en actos relixiosos.

"A presenza de autoridades públicas ou de representantes institucionais en actos de carácter relixioso constitúe un anacronismo doutros tempos. É máis propio do medievo que do século XXI", defende o portavoz municipal do BNG, Xabier P. Igrexas, que o considera «incompatíbel co actual marco de liberdades»

Másnoticias

El famoso chef Dabiz Muñoz llegará a Vigo con su food truck, vuelve "Pollos Muñoz"

16/10/2025

La "montaña" que ya impide ver una parte de los partidos del Celta y el ambientazo de Balaídos

16/10/2025

Igrexas insistiu en que nunha democracia “plena” é imprescindíbel unha separación “estrita” entre as institucións públicas e as “lexítimas” confesións e credos relixiosos. O edil nacionalista xa se pronunciou publicamente en contra do acto polo pregón do Concello de Vigo celebrado no día de onte no pombal de Castrelos. "Hai quen no seu afán imperial por reducir Vigo a unha caste de cidade-Estado medieval, amurallada e enfrontada con todos por todo, teima con entusiasmo en manter actos anacrónico scomo facer un pregón institucional dunha celebración relixiosa. Son pasado", afirmou nunha mensaxe publicada nas redes sociais.

O portavoz municipal nacionalista considerou "inxustificado" que se continúen a destinar "decenas de milleiros de euros de diñeiro público para financiar actos relixiosos" por parte do actual Goberno municipal. Neste sentido volveu reivindicar Vigo é unha cidade “orgullosamente diversa” na que conviven persoas con diferentes crenzas ou que non profesan ningunha, polo que reiterou a necesidade de separar o papel das institucións públicas das distintas confesións relixiosas.