O Bloque Nacionalista Galego de Vigo denuncia o agravamento do “abandono deliberado” das pistas de atletismo de Balaídos por parte do goberno de Abel Caballero. A fronte nacionalista lamenta que non se teña actuado para resolver o “penoso estado” destas instalacións deportivas municipais malia o acordo do Pleno, o pasado 26 de outubro, tras unha iniciativa do BNG urxindo medidas ante o deterioro.
“Transcorridos dous meses constatamos que o Goberno municipal non atendeu nin unha soa das cuestións que se denunciaban”, cuestionou o concelleiro e candidato do BNG de Vigo, Xabier P. Igrexas, que acusou á concellaría de Deportes de “non mover nin un só dedo” diante dos problemas que levan padecendo durante anos as e os deportistas.
O edil nacionalista asegurou que este “desleixo e neglixencia na xestión” están a agravar o xa “lamentábel” estado das instalacións de Balaídos. Así, alertou de que a falla de mantemento continúa a provocar constantes inundacións das pistas con importantes danos no tartán que, segundo advirten as e os propios deportistas, poderían derivar nunha perda da homologación que impida a celebración de competicións oficiais de atletismo.
Igrexas sinalou ademais outras situacións “dantescas e impropias” dunhas dependencias públicas como a falla de papel hixiénico durante semanas ou que estas instalacións deportivas municipais non conten nin tan sequera cunha caixa de primeiros auxilios.
Diante destas eivas, o candidato do BNG reiterou a esixencia ao goberno de Abel Caballero de que “poña fin a este abandono deliberado” e “acabe con esta política de castigo” contra as e os deportistas da cidade. “Que dea cumprimento ao mandato plenario que, por iniciativa do Bloque, urxiu a resolver esta situación ruinosa”, remachou.
Los trabajadores podrán anotarse al ERE de forma voluntaria, pero será la empresa la que tenga la última palabra
Un popular concurso de televisión nacional se traslada al centro de Vigo. Su popular presentador y las cámaras han llamado la atención en Porta do Sol
Un informe detecta árboles "muertos o en regresión" en O Castro. El Concello de Vigo prevé recuperar esta riqueza con nuevas especies
La Deputación afirma que se trata de una noticia que la provincia "llevaba años esperando". La Vía Verde das Rías Baixas, más cerca
Apunta que la UVigo se enfrenta a un reto importante como es la jubilación de decenas de docentes y la caída de la natalidad
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL