O Bloque Nacionalista Galego vén de lembrarlle expresamente ao alcalde de Vigo, Abel Caballero, "a súa obriga legal de asistir e presidir as sesións plenarias". Fano, afirman, ante o risco de que o rexedor “fuxa” do Pleno extraordinario que se celebrará este luns para "abordar as graves irregularidades que envolven o frustrado patrocinio publicitario do concerto de Guns N’ Roses a través do que intentou utilizar irregularmente case 2 millóns de euros de diñeiro público", indican dende a organización.
A través dunha carta e ante as reiteradas ausencias do rexedor no Pleno, o Portavoz municipal do BNG de Vigo, Xabier P. Igrexas, recórdalle a Caballero que o Regulamento Orgánico do Pleno e a Lei de Administración Local de Galiza obrígano como alcalde a asistir e presidir as sesións. “Non cumprir con esa obriga legal, como ten sucedido de maneira reiterada, supón un inaceptábel desprezo en contra do máximo órgano de representación democrática da cidade que é o Pleno municipal”, repróchalle.
No escrito, Igrexas insta expresamente ao rexedor a “cumprir coas obrigas que se derivan da súa condición de Alcalde garantindo a súa presenza durante toda a sesión do Pleno”. Aliás, para evitar o intento do Goberno municipal de “amordazar a sesión extraordinaria e atendendo a relevancia dos asuntos así como para favorecer o debate", o portavoz municipal nacionalista solicita que, ao abeiro do artigo 55.5 do Regulamento do Pleno, se dupliquen os tempos de intervención (de 5 a 10 minutos) e mais da quenda de réplica (de 3 a 6) que será partillada polos grupos municipais do BNG e do PP, por seren regulamentaria os promotores da convocatoria.
O Pleno terá que ditaminar tres propostas concretas de acordo, elaboradas polo BNG e ás que se sumou o Grupo Municipal do PP por esixencia do Regulamento Orgánico do Pleno. A primeira será a reprobación do alcalde pola “falla de transparencia e reiteradas falsidades”. A segunda proposta é crear unha Comisión Especial de Investigación para aclarar o sucedido e depurar as responsabilidades políticas. E, por último, abordarase a comparecencia perante o Pleno da concelleira de Contratación e Festas, Patricia Rodríguez Calviño, sobre as xestións realizadas polo Goberno local, en particular, para a licitación do frustrado patrocinio publicitario.
Galicia es la comunidad con menor número de delitos de cualquier tipo por habitante, ya que hubo 8,9 delitos por cada 1.000 habitantes
La vista de este jueves tenía como finalidad tratar de cerrar un acuerdo para evitar la celebración de un juicio
Vigo, incluido en el plan millonario del Gobierno para aeropuertos. Peinador renovará pasarelas de embarque, zona de autobuses o depósitos agua potable
Un edificio que "marca un antes y un después en la vida cultural y social" de Tomiño. Este sábado inauguran este espacio pionero en Galicia
Con sede no campus de Pontevedra e seguimento presencial e virtual
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL