O BNG súmase á petición de dimisión de Porro pola xestión nas residencias DomusVI en Vigo e Cangas

Cabreo en Galicia pola xestión das residencias de maiores de DomusVi en Vigo e Cangas e a residencia de tempo libre de Patos, en Nigrán. A situación levou ao BNG a facer un comunicado conxunto, un comunicado que firman as portavocías municipais da fronte nacionalista nestes tres concellos co cal queren lamentar a actuación realizada pola Consellería de Política Social e da Delegación Territorial da Xunta en Vigo, ás cales acusa de que non “deran resposta ás demandas que tanto familiares, traballadoras das residencias e ao mesmo BNG” trasladaron urxindo unha intervención áxil que corrixise as deficiencias detectadas.

A fronte nacionalista considera “motivada e razoada” a petición formulada pola Federación REDE de pedir a dimisión de Corona Porro que sinalan que “en medio desta situación crítica incorreu nunha obscena utilización propagandística”. O BNG tamén denuncia a falla de información por parte da Xunta de Galicia de como se está a desenvolver a intervención das residencias de Barreiro e Aldán, e de maneira concreta no que se refire ao número de persoal contratado como reforzo dentro da intervención destas residencias, así como a ausencia dun protocolo claro a respeito da derivación hospitalaria dos e das residentes sen que as familias conten con datos completos da situación.

Másnoticias

Denuncian "un atentado ambiental" en el Olivo de Vigo por los adornos de Navidad de Paseo de Alfonso

07/11/2025

Exigen al Concello un plan de tráfico para la Navidad de Vigo y crear aparcamientos disuasorios

04/11/2025

O BNG critica a inacción da Xunta de Galicia ante unha situación na que destacan que “desprotexeu” a un colectivo vulnerable e de alto risco fronte o coronavirus. A fronte nacionalista considera que a decisión de habilitar o traslado das persoas non contaxiadas á residencia de tempo libre de Patos foi moi tardía, e a detección de casos positivos constata a improvisación e a insuficiencia de garantías sanitarias.

O comunicado vai asinado por Xabier Pérez Igrexas, portavoz municipal do BNG de Vigo; Mercedes Giráldez, portavoz municipal do BNG de Cangas; e Xavier Rodríguez, portavoz local do BNG de Nigrán.