O Concello de Nigrán vén de presentar o tráiler do vídeo que promoverá o consumo local no Nadal nun tempo de estoupido da venda online e de situación económica complexa derivada da pandemia da Covid19.
O vídeo está protagonizado polos propios comerciantes do municipio e nel expoñen cadanseu motivo para mercar dentro de Nigrán, seguindo así coa mensaxe das anteriores campañas ao respecto levadas a cabo polo consistorio. A versión completa, de 3 minutos de duración, estrearase o xoves simultaneamente nas redes sociais do Concello e se proxectará en todos os eventos de Nadal nos que tecnicamente sexa posible. O vídeo forma parte da campaña municipal iniciada a finais de novembro "Vivo en Nigrán, compro en Nigrán" e "Agora máis que nunca este Nadal merca en Nigrán" .
As oito persoas representan diferentes sectores dentro do pequeno comercio e a hostalaría da localidade e, a súa vez, pertencen a diferentes parroquias. Na versión reducida, de só 40 segundos, eles son os grandes protagonistas, na longa (de tres minutos) o vídeo vai acompañado de imaxes de establecementos e rúas de todo Nigrán. “Quixemos que os oito comerciantes fosen a voz de todo o tecido comercial do municipio e que as imaxes reforzasen esa idea de que non é preciso saír de Nigrán para mercar produtos da mellor calidade”, incide o alcalde, Juan González.
Os argumentos que ofrecen cada un deles para apostar polo pequeno comercio son simples pero contundentes: “Porque xuntos venceremos esta crise. Porque somos veciños. Porque cando todo isto pase seguiremos mantendo as rúas con vida. Porque axudas as persoas emprendedoras e xeras emprego. Porque a riqueza se queda no pobo. Porque evitas maiores desprazamentos e resulta ecolóxico. Porque aínda que agora o tape a máscara, sempre temos un sorriso de agradecemento. Porque ti nos importas”.
Paralelamente, o Concello leva esta campaña de promoción do comercio local "Agora máis que nunca este Nadal merca en Nigrán" a 60 escaparates do municipio adheridos a Ovalmi. Así, grazas á colaboración da asociación de empresarios, o Concello contratou o servizo do deseñador gráfico de Sabarís Juan Hernández para pintar con rotulador branco sobre vidro o hashtag '#VivoEnNigránComproEnNigrán' dun xeito decorativo.
A campaña do Concello inclúe diferentes aspectos, entre os que destaca o sorteo de 1.300 € en vales de 50 € entre os clientes dos establecementos adheridos a Ovalmi para consumir en 26 locais hostaleiros do municipio durante todo o 2021, difusión publicitaria e en redes, regalo de 8.000 bolsas e carteis entre o pequeno comercio ou a estrea do vídeo.
Convocadas movilizaciones el próximo día 26 frente a las sedes de las patronales para reclamar la disminución del tiempo de trabajo
En plataformas de alquiler vacacional, el pazo se promociona como "ideal para desconectar, estar en contacto con la naturaleza"
En Vigo, las mareas vivas permitieron ver imágenes poco habituales en la zona portuaria, Beiramar o Bouzas.
El Centro Comercial Travesía organiza esta actividad que tendrá lugar este viernes y arrancará a las 10:30 en el Faro de A Guía
O acto de entrega do galardón, que busca recoñecer o traballo de personas e institucións que impulsan a ciencia, será o día 23
Puedes encontrarnos en nuestras redes sociales o, si lo prefieres, ponerte en contacto con nosotros a través de [email protected]
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL