Persoal de Vithas en Vigo alerta que as protestas pola mellora salarial poderían subir de intensidade

O personal do centro médico privado Vithas Diagnóstico, pertencente ao grupo Vithas e con tres centros de traballo en Vigo, volveru realizar unha concentración, desta vez, ás portas das instalacións na rúa Paraguai da cidade, para reclamar acordos coa empresa que se traduzan en melloras salariais.

Despois da primeira concentración que tivo lugar no centro da rúa Troncoso o pasado luns, os traballadores manteñen as súas protestas para denunciar que “a recente actualización do convenio provincial supuxo pouco máis que a absorción de vellos complementos”, indican a través dun comunicado da CIG-Saude.

Másnoticias

Condenan al Sergas a indemnizar con 60.000 euros a una pareja por la muerte su bebé antes del parto

20/03/2025

Hito mundial en Vigo, el Cunqueiro realiza esta técnica pionera para la reparación de válvula mitral

20/03/2025

Ademais, dende o sindicato denuncian que o convenio provincial de referencia contempla soldos baixos e acumula unha gran perda de poder adquisitivo. Neste senso, lembran que noutras empresas do grupo a dirección chegou a acordos para mellorar os salarios, “pero neste caso non está disposta a negociar co comité de empresa de Vithas Diagnósticos Vigo”, aseguran, polo que anuncian que “nas seguintes semanas o conflito podería ir subindo de intensidade”.

O persoal explica que na empresa teñen presenza distintas profesionais, dende técnicos de laboratorio e enfermeiras até persoal de xestión, e que o actual convenio contempla salarios por debaixo dos 1.080 euros establecidos como salario mínimo interprofesional. “A perda de poder adquisitivo é evidente na última actualización do convenio, véndose agravada pola perda dos complementos que facían competitivos os salarios desta empresa”.

En consecuencia, dende a representación sindical, con catro delegados da CIG e un da CSIF, levan tempo solicitándolle á dirección o establecemento de acordos de empresa que actualicen as nóminas do persoal. “A resposta da empresa sempre foi negar a posibilidade de calquera tipo de diálogo”, aseguran dende o sindicato. É por isto que as mobilizacións no tempo de descanso do persoal continuarán o venres 23 no da rúa Lepantos ás 11:00 horas.