A Asociación Cultural Musical de Pontellas comeza con forza o 2020 e demostra que, tras un ano de traballo, está lista para recuperar a vitoria no Certame de Rondallas do IFEVI que se celebrará o vindeiro 12 de xaneiro. Este pasado mércores, 1 de xaneiro, a agrupación fíxose co primeiro posto no concurso organizado polo Concello do Porriño.
Cunha valoración de 54,75 puntos, a Rondalla de Ponteñas gañou un II Concurso de Rondallas Concello do Porriño nunha rifada disputa coa agrupacións de Santa Eulalia de Mos que acadou 53 puntos e a de Atios que recibiu unha valoración de 50 puntos.
O evento, celebebrado nun ateigado Polideportivo Municipal de Deportes con todas as localidades ocupadas, estreou este ano a retransmisión en directo nunha pantalla xigante instalada no Pavillón 2 e por internet. O “streaming” do certame foi seguido por 2.087 persoas.
Neste II Concurso tomaron parte sete rondallas procedentes de Vigo, Tui, Mos e Porriño. Nomeadamente, actuaron a Rondalla do Centro Cultural de Torroso, Rondalla Círculo Santa Eulalia de Mos, Rondalla Mosteiro de Tui, Rondalla do CSCR de Beade, Rondalla Helios de Bembrive, Rondalla da Asociación Recreativa Santa Eulalia de Atios, Rondalla da Asociación Cultural Musical de Pontellas.
Os premios do concurso foron de 1.500 euros para a primeira rondalla, 1.000 euros para a segunda e 500 euros para a terceira. Ademais, a rondalla gañadora actuará nas festas de Nadal do próximo ano nas rúas do Porriño.
