Pontón presenta en Vigo o plan do BNG de 700 millóns para facer fronte a suba de prezos

A portavoz nacional, Ana Pontón, participou este martes en Vigo nun acto dentro da campaña que o BNG desenvolve por toda Galicia baixo o lema "Os prezos soben, os teus cartos baixan", que aproveitou para explicar as propostas da formación para paliar os efectos da espiral inflacionista.

Nun acto, no que tamén participou o portavoz municipal, Xabier Pérez Igrexas, e o deputado Nestor Rego, a líder do Bloque destacou que "a peor crise de prezos en catro décadas require medidas urxentes”,e por iso o BNG “presenta un plan de choque para mobilizar 700 millóns de euros destinados a paliar os efectos dunha inflación descontrolada". A líder galega da oposición cargou contra a "parálise" do goberno do PP que, dixo, "tres meses despois sigue enfrascado no relevo de Feijóo no medio dunha crise".

Másnoticias

Dos detenidos en un día en Vigo como presuntos autores de un delito de violencia de género

27/06/2025

El ciclo de conciertos que llena de música en directo Galicia crece en Vigo hasta el mes de octubre

27/06/2025

“Son as medidas que tomaría un goberno do BNG ante a subida de prezos que está afogando ás familias é ás empresas”, salientou a portavoz nacional, Ana Pontón. Inclúen un fondo de 90 millóns de euros de "rescate social" para axudar aos colectivos máis desfavorecidos. Con este fondo aumentaríase en 100 euros o tramo autonómico das pensións non contributivas, melloraríase a prestación da RISGA (que sería compatible co  IMV), e aumentaríanse as axudas para sufragar os gastos básicos de vivenda.

Pontón detallou as principais propostas dese plan de choque, que inclúe un fondo de recaste social por importe de 90 millóns de euros para axudar ós colectivos máis desfavorecidos con medidas como incrementar en cen euros mensuais o tramo autonómico das pensións non contributivas, que son precisamente as de menor contía; mellorar a prestación da RISGA e facer que sexa compatible coa percepción do ingreso mínimo vital; así como incrementar as axudas para sufragar os gastos básicos de vivenda para as rendas máis baixas.

A segunda liña de actuación sería un fondo de rescate económico de 175 millóns para sectores produtivos e pemes, con actuacións para incentivar o consumo local e a hostalería, ou axudas para o sector primario.

Así mesmo, o BNG propón un plan extraordinario de investimentos en obra pública, centrado na vivenda, a transición enerxética e a transición dixital, capaz de mobilizar 375 millóns de euros; así como un fondo de apoio aos concello para compensar a subida do prezo da luz e dos carburantes. Finalmente, prevé un fondo de liquidez para facilitar liñas de financiamento e avais a pequenas e medianas empresas.

Ana Pontón explicou que, xunto a todas estas medidas "de urxencia", o BNG está a preparar unha proposición de lei con máis medidas a medio e longo prazo, de carácter estrutural, para modernizar Galicia nos ámbitos financeiro (creación dun instituto de crédito), enerxético (constitución dunha empresa pública de enerxía e unha tarifa eléctrica galega), de reactivación industrial; reactivación do sector primario; e recuperación do medio rural.