Salceda “declara a guerra” ás cacas de cans na rúa con multas de 300 euros

O Concello de Salceda de Caselas vén de facer efectivas as primeiras sancións por non recoller os excrementos das mascotas nas vías públicas. As sancións, por un importe de 300 € que se verá incrementado en caso de reincidencia, veñen a “intentar solucionar un problema de ornato público que en determinados momentos resulta demasiado reiterado no casco urbano da vila, coas consecuentes molestias ao tráfico peonil”, explican dende o Goberno municipal.

Tras unha campaña informativa con advertencias da Policía Local aos incívicos, estanse xa a facer efectivas as primeiras sancións. Ademais, dende o Concello incidirase tamén na obrigatoriedade de levar as mascotas atadas naqueles parques e espazos públicos nos que estea permitido acceder con mascotas, lembrando que existe unha zona habilitada para o esparcemento das mascotas na rúa Mártires de Sobredo, fronte ao novo centro de saúde.

Másnoticias

Fin de semana de furanchos en el área de Vigo con esta gran fiesta en Salceda

06/11/2025

Salceda acogerá una gran degustación de setas en una de las fiestas gastronómicas clásicas del otoño

02/11/2025

Máis alá de ter que cumprir con sancións económicas, “o mal hábito de non recoller os excrementos dos cans pode contribuír á proliferación de microorganismos patóxenos e a que xurdan problemas de saúde pública, pois os excrementos fíltranse no terreo coas choivas, coas consecuencias que elo conleva”, lembran dende o Concello.

“O feito de recoller os excrementos das nosas mascotas é un acto de respecto cara aos nosos vecinos e veciñas, o cal resulta fundamental para a vida en sociedade. Só coa implicación de todos e todas podemos conseguir a vila limpa e fermosa que queremos”, aclara a rexedora local, Loli Castiñeira.