Salceda despide o seu Entroido “top” coa batalla entre Castro Barreiro e A Feira

Salceda de Caselas presume dun dos mellores Entroidos de Galicia. O municipio pontevedrés ofrece argumentos sólidos. Ademais do habitual desfile de comparsas, a súa programación contén citas singulares que fan do seu Entroido unha festa única. O seu peche de festa é especial. O seu epílogo non chega cunha Queima ou un Enterro, senón cunha batalla. A batalla das batallas destas datas. Dous dos seus barrios, A Feira e Castro Barreiro, protagonizaron este centenario enfrontamento que neste 2020 contou con México e o ecoloxismo como principais protagonistas.

Na semana na que moitos xa polemizan co duelo entre o Real Madrid e o FC Barcelona, Salceda de Caselas vivía o verdadeiro Clásico. A batalla entre Castro Barreiro e A Feira deste ano será recordada. A cita tivo que pospoñerse máis de media hora por un problema técnico de A Feira. Pouco despois das 17.30 horas, comezaba o derbi do Entroido. Castro Barreiro amosaba as súas credenciais, os seus argumentos para impoñerse nunha guerra na que nunca hai un gañador oficial. A temática elixida a firmaría a mesma Greta Thunberg, o coidado polo medio ambiente, sobre todo dos océanos. Unha balea ao borde da morte e rodeada de plásticos abría unha formación que volvía a destacar polas súas traballadas coreografías e por unhas vestimentas case perfectas.

Másnoticias

Salceda disfrutará en mayo de tres grandes verbenas por las fiestas de Parderrubias

15/05/2025

Tres construcciones 'top' de Vigo, Salceda y Nigrán optan a los Premios de Arquitectura de España

13/05/2025

Centos de persoas de Salceda e doutros municipios abarrotaban as rúas para presenciar este tradicional enfrontamento que marca o Entroido salcedense. Minutos despois chegaría a réplica de A Feira. A avaría xa estaba solucionada. Xa formaba parte do anecdotario desta guerra histórica entre barrios. As rúas do centro de Salceda convertíanse desta vez en México. Sobre todo da súa filosofía de enfrentarse á morte. Bengalas, música e coreografías conformaban a proposta de A Feira, unha fórmula representada coa recreación da película de Coco e o seu imaxinario do máis alá. A Feira fixo incluso voar a un esqueleto xigante polo ceo de Salceda.

Como xa é tradición, a festa rematou en cada barrio. Cada un declarase gañador deste centenario enfrontamento que pecha, un ano máis, o Entroido de Salceda, posiblemente o Entroido máis especial dos que temos na provincia de Pontevedra.

Galería de fotos