Un encontro de biometría organizado pola UVigo atrae a 200 investigadores á cidade olívica

200 investigadoras e investigadores do ámbito da bioestadística participan esta semana en Vigo na XIX Conferencia Española de Biometría conxuntamente co VIII Encontro Iberoamericano de Biometría, CEB-EIB2023, dúas xuntanzas organizadas polo Departamento de Estatística e Investigación Operativa da Universidade de Vigo e o grupo de investigación SiDOR (Statistical Inference, Decision and Operations Research), tamén da UVigo, por encargo da Sociedade Española de Bioestatística, a sección española da International Biometric Society, e coa “inestimable colaboración” das compañeiras e compañeiros das rexións de Arxentina, Brasil, España, Centroamérica-Caribe, Chile e Ecuador.

O obxectivo xeral da xuntanza é a difusión dos resultados obtidos no desenvolvemento e aplicación de métodos estatísticos e matemáticos en Bioloxía, Medicina, Psicoloxía, Farmacoloxía, Agricultura e outras ciencias afíns. Na xornada deste martes as persoas asistentes tiveron a oportunidade de asistir ao curso previo Introdución aos modelos de curación, impartido por Ricardo Cao e Amalia Jácome, da Universidade da Coruña, e a xornada culminará este serán cunha recepción oficial aos congresistas por parte do Concello de Vigo no Pazo Quiñones de León.

Másnoticias

India Martínez cierra los conciertos de Castrelos en Vigo con un terremoto musical

16/08/2025

El aperitivo de moda, cada vez más presente en los locales de Vigo: "Nada más fácil y rico"

16/08/2025

"Un programa de enorme impacto científico"

A partir de mañá o congreso CEB-EIB2023 debullará “un programa intenso e de enorme impacto científico”, destacan desde a organización, ao tempo que explican que se presentarán 150 presentacións orais e pósters. Cóntase coa participación de conferenciantes plenarios de recoñecido prestixio, entre eles María Gabriela Cendoya, da Universidad Nacional de Mar del Plata, na Arxentina; Andreas Mayr, da Universität Bonn, en Alemaña; e Anabel Forte Deltell, da Universitat de València.

A maiores o programa inclúe tamén unha sesión homenaxe a Carmen Cadarso, grande impulsora da Bioestatística en Galicia falecida hai pouco máis dun ano. Será o xoves ás 12:45 horas e participarán Wenceslao González-Manteiga, que se achegará á figura da investigadora como alumna de doutoramento; Thomas Kneib, que fará unha semblanza dunha persoa que dedicou a súa vida á bioestatística, e Jenifer Espasandín, que achegará o seu punto de vista sobre quen foi a súa maestra e mentora.

O comité científico do CEB-EIB 2023 está presidido polo catedrático Javier Roca Pardiñas, e o comité organizador pola profesora María Xosé Rodríguez Álvarez.