A Deputación de Pontevedra recollerá no marco de FITUR o premio que vén de conseguir a provincia como Mellor Destino SICTED de toda España nos XII Premios de Calidade Turística en Destino, outorgados polo Ministerio de Turismo. A provincia convértese deste xeito no único territorio galego entre os 19 destinos galardoados nesta edición do certame.
A presidenta Carmela Silva sinalou que “somos o destino de maior calidade de España deste ano, polo que cómpre dar os parabéns a todas e todos por este recoñecemento ao labor que realizamos desde a institución”. A responsable provincial agradeceu por iso o sector privado da provincia, “polo seu compromiso e bo facer e por apostar por sumarse a este distintivo de calidade turística nos destinos”, e ratificou a aposta provincial polo turismo de calidade. “Seguimos avanzando porque a nós impórtanos o sector turístico, traballamos por el, e este recoñecemento ao mellor destino de calidade turística é un recoñecemento que nos impulsa a traballar aínda máis e mellor”.
O pasado ano a Deputación xa acadara o galardón á mellor persoa xestora do SICTED grazas ao plan de formación de calidade implementado pola institución, que impulsou que máis de 300 establecementos turísticos da provincia (302) xa teñan acadado o distintivo. Ademais, a Deputación está a traballar con arredor doutros 50 establecementos que están a piques de recibir o SICTED. Cómpre lembrar que Pontevedra é a provincia con maior número de establecementos adheridos. Para seguir sumando novos establecementos, a Deputación acaba de renovar a súa aposta polo servizo de implantación e desenvolvemento do Sistema Integral de Calidade Turística Española en Destinos, cun orzamento próximo aos 240.000 euros e durante 27 meses.
O premio á provincia de Pontevedra como Mellor Destino SICTED de España nos XII Premios de Calidade Turística en Destino entregarase o vindeiro xoves 20 de xaneiro ás 11:00 horas no marco da feira FITUR e recollerao a presidenta da Deputación.
La modificación legislativa incorpora novedades relevantes en el capítulo de sanciones, desde multas de 300 a 15.000 euros
Galicia está en alerta en los próximos días y se espera un fuerte temporal, especialmente en las zonas costeras
El TSXG ratificó la pena de dos años y medio de cárcel a un empresario de Vigo por no pagar 1,5 millones por la adquisición de una empresa
La Diputación de Pontevedra subvencionará siete escuelas de música de Vigo con 30.000 euros. Vigo es el concello al que se destinan más fondos
Llega la decimoctava edición de Debut, que además se completará con otras actividades como una exposición con Bimba & Lola
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL