A cor negra tinguiu este venres en Vigo o espazo central do Museo Marco, o Panóptico, para reivindicar a loita contra as violencias machistas no acto co que a Deputación conmemorou o 25N. A escultura de Francisco Leiro que simboliza unha muller foi cuberta polas creadoras da acción Canon Circular, Iria Sobrado, Ana Gesto e Helena Salgueiro, cunha tea negra nunha impactante performance de “Mulleres en Acción. Violencia Zero” que unha vez máis buscou “mobilizar conciencias a través da arte”, como destacou Carmela Silva. A presidenta provincial incidiu hoxe na necesidade de loitar contra o “desprezable discurso do negacionismo” e reivindicou as alianzas dende o feminismo para facerlle fronte.
Con Canon Circular, as artistas Sobrado, Gesto e Helena Salgueiro, quixeron representar a dor das mulleres a través da cor negra, da súa voz e dos seus movementos, “como abellas nun enxame” e, máis concretamente, a invisibilidade das mulleres dentro dos espazos nobres dos museos. Ao longo da acción, as tres creadoras foron cubríndose e descubríndose tamén coa tea negra, simbolizando deste xeito a necesidade de estar case cubertas para entrar nos museos e, unha vez dentro, descubrirse.
Na súa intervención, Carmela Silva puxo o foco no lema co que este ano a Deputación celebra o 25N: “Fronte ao negacionismo, alianzas dende o feminismo” para responder “ao desprezable discurso” que segue a negar “a violencia que se exerce contra as mulleres polo feito de selo, partidos políticos con representación incluso nalgúns gobernos que seguen a negar a evidencia”. A presidenta lembrou as 38 mulleres asasinadas no que levamos de ano e as 1.171 desde 2003. “É un feminicidio en toda regra, ningún outro terrorismo ten tantas vítimas e sen embargo a sociedade normalizou as agresións e os asasinatos de mulleres. Son 1.171 berros que nos teñen que mover para rematar con estas violencias”, concluíu.
Pola mañá, no pleno da corporación provincial foi a profesora Azucena Arias a que leu a declaración institucional da Deputación neste 25N, que incide en que a violencia machista “non é un invento ideolóxico, como afirman perversamente os negacionistas, senón unha dramática realidade”, con datos aterradores, entre eles o aportado desde o Sistema Viogén que sinala que desde outubro de 2007 ata este ano xestionouse información sobre 629.789 vítimas de violencia de xénero. Afirmou que “non é unha violencia máis”, senón unha violencia estrutural que se manifesta de distintas formas e en distintos ámbitos e “por ser muller” e apoiada por “mitos que a esvaecen e dilúen”.
A bordo del Tafra 3 hundido en Mauritania viajaban dos vecinos de Marín. Fueron rescatados y se encuentran a salvo
Un hombre se enfrenta a más de 16 años de cárcel en Vigo. Está acusado de violar y robar a una mujer que salía de trabajar en el hospital
La Xunta creará su primer centro específico para menores extranjeros. Galicia acogerá a 317 adolescentes migrantes, del reparto del Gobierno entre varios puntos de España
¿Tienes que poner lavadoras este domingo? Estas son las franjas en las que el precio de la luz tendrá un coste cero en España
O traballo xeocientífico comezou no ano 2023 abranguendo tres liñas de actuación
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL