O Museo de Meirande recupérase da pandemia e logra máis de 6.900 visitas en 2021

As 6.903 persoas que durante o pasado ano 2021 visitaron o Meirande –Centro de Interpretación da Batalla e do Patrimonio de Rande– amosan claramente o interese que esta instalación esperta nas persoas que visitan Redondela. Pese as restricións impostas pola pandemia da Covid-19, o Museo de Meirande mantén un crecemento continuado no número de visitantes.

No ano 2020, primeiro da pandemia do coronavirus –e a pesar dos confinamentos, peches perimetrais e estrita limitación de aforos–, Meirande rexistrou un total de 3.449 visitas. Os datos do 2021, xa sen confinamento, supoñen un incremento do 50% respecto ás persoas que visitaron a instalación respecto ao período anterior.

Másnoticias

Conciertos, talleres y muchos autores, arranca la Feira do Libro con más "acento de Redondela"

12/06/2026

Redondela acoge su propio Mundial, así es este mítico torneo de fútbol de calle del área de Vigo

10/06/2026

De feito, segundo os datos facilitados polo museo, instalación que depende directamente da Concellería de Turismo que xestiona María Castro, nos meses de agosto e outubro do 2021 o número de visitantes achegouse aos datos 'prepandemia' do 2019 con 1.172 e 1.301 persoas, respectivamente. Outubro vén marcado pola conmemoración da Batalla de Rande polo que atrae moitas máis visitas, algo que quedou comprobado neste ano pese aos estritos controis de aforo que, como medida de seguridade sanitaria, aplicou o Concello de Redondela.

A previsión para o 2022, sinala a alcaldesa Digna Rivas, “é claramente optimista e todo apunta a superar os niveles de afluencia rexistrados nos anos previos a pandemia”. Para a rexedora redondelá está fora de toda dúbida que o Meirande “está consolidándose como un punto turístico de visita obrigada".

Rivas lembrou que dende a Concellería de Turismo, estanse a desenvolver continuos traballos de adaptación do Meirande ás novas tecnoloxías, como a dotación dunha páxina web moderna e funcional ou, proximamente, a posibilidade de facer visitas virtuais a instalación. “As novas tecnoloxías poñen nas nosas mans ferramentas de extraordinaria importancia que temos que aproveitar á hora de poñer en valor a nosa historia e o noso patrimonio”, conclúe a rexedora local.