O Concello do Porriño reactiva o Servizo de Normalización Lingüística, que conta con persoal técnico ao dispor da cidadanía, o seu propio espazo web e nova imaxe corporativa.

"Dende a concellería queremos que a veciñanza saiba que dispón dun servizo local ao que pode recorrer en busca de asesoramento en materia lingüística ou do proceso de normalización", explicou a concelleira de Normalización Lingüística, Carolina González. "Fomentar o uso do galego e garantir a súa calidade lingüística é responsabilidade de todos e todas", engadiu.

Másnoticias

El CTAG y Vodafone impulsan el desarrollo de sistemas de conducción automatizada en Galicia

El CTAG reduce a 96 los despidos del ERE por razones productivas, que solo afectará a O Porriño

18/11/2025

Estos son los seis proyectos transformadores que la Diputación impulsa en el área de Vigo

18/11/2025

Con obxectivo de facilitar dito asesoramento habilitouse a dirección de correo electrónica servizonormalizacion@oporrino.org a través da cal os interesados poden comunicarse coa técnico e consultar calquera dúbida. Andrea González será a técnica encargada deste servizo e ofrecerá asesoramento nos diferentes departamentos municipais en todo o relacionado coa política lingüística e na planificación, xestión e execución de programas municipais de dinamización e fomento do uso do galego.

O servizo tamén contará con nova imaxe corporativa e o seu propio espazo web, onde se divulgarán materiais de promoción do uso do galego e información sobre as distintas actividades de dinamización postas en marcha.