Redondela estrea un novo espazo para a mocidade con obradoiros de balde

O Concello de Redondela anuncia a apertura dun novo espazo no Multiusos da Xunqueira dedicado á mocidade. Estrearase co inicio do programa Redondela Xoven 2023 e estará ubicado nunha das zonas máis utilizadas polos máis novos. O espazo servirá para a xuntanza libre, pero tamén para a organización de obradoiros de balde por parte do Concello.

“Ata a chegada do Goberno socialista ao Concello de Redondela, os mozos e mozas con idades comprendidas entre os 13 e 18 anos, foron os grandes esquecidos. Ademais de ofrecer actividades enfocadas á mocidade, tamén queremos ofrecerlles un espazo novo para a súa vida social. Alí poderán xuntarse de forma libre ou participar nas actividades que iremos anunciando ao longo dos próximos meses”, afirmou a alcaldesa Digna Rivas na presentación das primeiras actividades do Verán 2023 que se desenvolven dentro do programa 'Redondela Xoven'.

Másnoticias

Redondela restauró uno de sus grandes atractivos turísticos tras varios años a la intemperie

23/08/2025

Guía del Entroido de Verán de Redondela con mapa, horarios de autobuses y programa

22/08/2025

A primeira das actividades do programa será o Obradoiro de Grafiti, que terá lugar o venres 28 de abril e venres 5 de maio, en horario de 19:00 a 21:00 horas. A actividade é totalmente de balde e necesita inscrición previa no Multiusos da Xunqueira, de forma presencial ou chamando ao 986 40 28 65. Durante a actividade os e as participantes poderán traballar nun mural coa artista redondelá Paula Amoedo que decorará o novo espazo dedicado á xuventude no Multiusos da Xunqueira.

Os obradoiros de Fotografía Analóxica será a segunda das iniciativas dentro do programa. Terá lugar o sábado 29 de abril e o sábado 6 de maio de 19:00 a 21:00 horas. Neste caso os obradoiros tamén son de balde e precisarán de inscrición previa no Multiusos da Xunqueira, de forma presencial ou chamando ao 986 40 28 65. Estas dúas actividades terán continuidade, xa que o 29 de abril estará enfocada a introducción á fotografía analóxica e o 6 de maio ao revelado en Branco e Negro. Este obradoiro estará impartido por Noemi Parga Iglesias fotógrafa viguesa e docente da escola Aula D de deseño en Vigo.

A alcaldesa redondelá asegurou que “ao longo do verán, 'Redondela Xoven' terá máis sorpresas” ao mesmo tempo que anunciaba que a mediados de agosto celebrarase O Día da Xuventude que contará con programa propio de actividades que será presentado a medida que se achegue a data.