Vigo, Cangas, Ponteareas e Redondela concéntranse contra a sentenza a La Manada

A Marcha Mundial das Mulleres vén de convocar unha decena de mobilizacións e concentracións en Galicia para amosar o seu rexeitamento á sentenza aos membros de La Manada, acusados de violar en grupo a unha moza durante os San Fermines de 2016.

A Audiencia de Navarra condenou a José Ángel Prenda, Alfonso Cabezuelo, Antonio Manuel Guerrero, Jesús Escudero e Ángel Boza, coñecidos como La Manada, forma da que eles mesmo se denominaban, a nove anos de cárcere por un delito continuado de abuso sexual. O tribunal considera así que cometeron un delito de abuso sexual e non de agresión sexual tal e como pedía a Fiscalía e a Acusación particular con penas de 22 anos.

Másnoticias

"Eran mis primeras vacaciones", los clientes de una agencia de viajes de Redondela denuncian una estafa

Los afectados por la quiebra de Viaxes Loa se concentrarán en Redondela: "No queremos que se olvide"

05/11/2025

Vigo inicia el evento inspiracional que girará por toda España creando "referentes femeninos"

26/10/2025

O tribunal entende que os condenados exerceron sobre a rapaza, de 18 anos naquel momento, actos contra a liberdade sexual “sen violencia ou intimidación” e sen consentimento, tal que como define o Código Penal o delito.

Ante esta resolución, sobre a que cabe recurso, a Marcha Mundial de Mulleres de Galiza convoca á cidadanía a diversas concentracións “contra a xustiza machista” que, din, “volve golpear nos dereitos das mulleres”. Baixo o lema de “non hai xustiza posible nunha sociedade machista” a organización levará a cabo mobilizacións en diferentes cidades e vilas galegas.

En concreto, en Vigo será ás 20:30 horas fronte ao museo MARCO, en Cangas, ás 20:00 horas ás portas do Concello, en Ponteareas ás 20:00 horas diante dos Xulgados e en Redondela ás 20:30 horas tamén fronte aos Xulgados.

As primeiras reaccións no campo da política tampouco se fixeron esperar. A presidenta da Deputación de Pontevedra, Carmela Silva, amosou esta tarde a súa incredulidade ante o feito de que non se considere que “esa muller foi violada por cinco homes”. A presidenta da Deputación asegurou “respectar as sentenzas xudiciais” toda vez que engadiu que “no noso país non hai leis que garantan a liberdade, a seguridade e os dereitos das mulleres”, como, na súa opinión, reflexa o caso de La Manada. “É incomprensible”, rematou Silva.

Pódeche interesar: Así viviu Vigo un 8 de marzo histórico polos dereitos da muller