Vigo reforzará a escultura de Castro, en Príncipe: “Será practicamente imposible de romper”

O Concello retirou este venres a escultura de bronce de Manuel Castro do seu emprazamento na rúa do Príncipe, onde "reside" desde hai case dez anos, para acometer a súa reparación e reforzar a estrutura do brazo que suxeita o xornal, co obxectivo de mitigar posibles danos futuros despois do acto vandálico que o deixou sen a extremidade superior o pasado 10 de maio.

Despois da súa "actualización", o tronco da escultura de Castro estará unido co dedo a través dunha barra de aceiro no interior do brazo que o fará “practicamente imposible de romper”, en verbas do rexedor vigués, Abel Caballero.

Másnoticias

Vigo acogerá un espectáculo único recién estrenado en Galicia, "todo un viaje intergaláctico"

18/11/2025

Un programa de la televisión nacional se traslada a Vigo con la Porta do Sol como plató

18/11/2025

O ataque tivo lugar hai un mes. Axentes da Policía Local de Vigo, de patrulla polo centro de madrugada, descubriron o dano á altura do antebrazo da obra e recuperaron a parte amputada. Co obxectivo de evitar outro eventual deterioro a causa do vandalismo, o Concello decidiu robustecer a estrutura de bronce cunha actuación “moi consistente”.

Sobre a vixilancia para evitar este tipo de sucesos, Caballero asegurou que o Goberno local ten previsto “tomar algunha medida antivandalismo adicional”, sen dar máis detalles.  O alcalde asegurou que “a instalación de cámaras ten que ser con permiso e estar moi controlada, porque pode atentar contra a intimidade”, mais, evitou desvelar cal será a solución municipal. Si advertiu aos vándalos: “Que saiban que imos ir a por eles”.