A serie “Auga Seca” leva a Vigo dende hoxe ao catálogo de HBO

Despois da adquisición dos dereitos de emisión da serie por parte de HBO, Auga seca pode verse dende este mércores 1 de abril na plataforma. Rodada orixinalmente en galego e en portugués, convértese así na primeira serie en lingua galega que se incorpora ao catálogo da plataforma, que tamén ofrecerá versión dobrada ao castelán e con subtítulos en español e en inglés. Coa aposta de HBO por Auga Seca, desenvolvida pola produtora galega Portocabo e coproducida xunto á portuguesa SP-i, a serie avanza na súa difusión internacional a través da distribuidora británica DCD Rights.

Auga seca, que xa finalizou con éxito a súa emisión en Televisión de Galicia e RTP, é un thriller que xira arredor do tráfico de armas e as súas conexións co mundo empresarial. Nel, a actriz portuguesa Victoria Guerra traballa a carón dos recoñecidos actores galegos Monti Castiñeiras e Sergio Pazos como protagonistas. Os actores galegos Eva Fernández, Paloma Saavedra, Santi Romay, Cris Iglesias, Adrián Ríos e os portugueses Adriano Luz, Joana Santos, Igor Regala e João Arrais son algúns dos nomes que completan o elenco internacional da serie.

Másnoticias

La serie Paquita Salas tiene su propio partido político en Galicia y ya gana elecciones

14/05/2025

El festival de series que llega a Vigo y permitirá ver gratis éxitos de Netflix, Prime Video y Movistar

13/05/2025

Toño López asume a dirección baixo a produción executiva de José Amaral de SP-i e Alfonso Blanco de Portocabo, creador da serie. O guión corre a cargo de José Rubio, Carlota Dans, Lidia Fraga, Eligio Montero, Carlos Portela e Ana Míguez; a dirección de fotografía é de Ricky Morgade, a dirección de arte de Andrea Pozo e a música de Elba Fernández e Xavi Font. Sumando forza a este equipo internacional atópanse destacados profesionais do grupo SP Televisão, ao que pertence SP-i, cuxas series foron premiadas nos prestixiosos International Emmy Awards.