Angélica, a segunda proxección do ciclo "Cinemas de Galicia" de Bueu

Este venres o Centro Social do Mar de Bueu acollerá a proxección de Angélica (unha traxedia), filme que se pode ver no marco de Cinemas de Galicia, un programa de colaboración entre o Concello de Bueu e a Axencia Galega de Industriais Culturais (AGADIC), e que está sendo xestionado polo Cineclub de Bueu.

Tras o éxito de público en Lobos sucios, a proxección deste venres, que será ás 21:00 horas, contará coa presenza de Fran Gayo e Analía G. Alonso, director e programador e produtora respectivamente do Festival Internacional de Cine de Ourense (OUFF), que na anterior edición supuxo a estrea en España deste documental no que se fai un retrato peculiar e intenso de Angélica Liddel, poeta, actriz e directora de teatro de vangarda. Estas dúas persoas serán as encargadas de debater co público asistente nun coloquio posterior ao visionado.

Másnoticias

El conmovedor mensaje del concejal de Cangas José Luis Gestido a su hijo, recientemente fallecido

22/11/2025

Llega a Terranova el 'Playa Menduiña 2' que traslada a los tres supervivientes del Villa de Pitanxo

Familiares del Pitanxo, conmocionados por la muerte de Miguel, el joven fallecido en el accidente en Moaña

22/11/2025

As outras proxeccións do ciclo "Cinemas de Galicia"

O seguinte venres, 6 de outubro, será a estrea de Toni Erdmann, o terceiro traballo asombrosamente singular da directora e guionista alemá Maren Ade, que traslada a magnífica observación humana dos seus anteriores filmes a un reino delicioso e inesperadamente cómico, que recolleu premios e louvanzas de toda a crítica europea e internacional.

As proxeccións continuarán despois cunha periodicidade quincenal e dende o Cinceclub xa confirmaron algunhas das personalidades que estarán nos coloquios posteriores, unha fórmula que está funcionando moi ben e que permite que o cine se dea a coñecer dende diferentes eidos. Coincidindo co visionado de Esquece Monelos, o 20 de outubro, asistirá algunha persoa da produción da cinta, ante a imposibilidade de asistencia da directora, Ángeles Huerta, que estará no Festival de Valladolid.

O 17 de novembro, coincidindo con Pozoamargo acudirán Felipe Lage, de Zeitum Films, coma produtor da cinta, quen xa estivera en Bueu presentando Mimosas, do seu irmán Oliver Laxe.

E para culminar, para Migas de pan, que se proxecta o 1 de decembro, asistirá un membro do equipo de rodaxe ou do reparto que está aínda por confirmar.