Cinema e revolución no cartel da nova edición do Primavera do Cine

O Primavera do Cine de Vigo presentou o cartel da súa oitava edición, unha obra realizada pola deseñadora María Llauger e que representa todo unha nova onda estilística respecto ás edicións anteriores, pero sen esquecer os valores do certame.

O cartel ten varios significados. Por un lado, as cores vivas e as flores simbolizan a primavera, mentres que a cámara garda relación co mundo cinematográfico. Doutra banda, Llauger vai máis aló e fai un chisco a Portugal e á súa Revolución dos Caraveis, buscando asemade poñer énfase no cinema coma unha arma de liberdade de expresión.

Másnoticias

Callos para todos y mucho más en una fiesta gastronómica que llega a Vigo

05/06/2025

Nueva oportunidad para encontrar el look más veraniego en el Mercadiño que llega al centro de Vigo

04/06/2025

En palabras da propia deseñadora "a imaxe busca representar esa idea do cine coma unha arma de liberdade de expresión e a oportunidade que brinda o Primavera do Cine de dar a coñecer os traballos que non teñen cabida noutras canles de distribución máis comerciais".

Nestes momentos, o Primavera do Cine de Vigo ten abertas ata o 5 de abril as inscricións para que os colexios de infantil e primaria poidan apuntarse ao ciclo de Cine Miúdo. Esta actividade terá lugar o 25 e o 26 de abril no Teatro García Barbón e será conducida por Caspervek, quen musicalizará en directo grandes obras do cine mudo para que os rapaces poidan aprender a estreita relación que existe entre o cine e o música. Deste xeito, Juan de Castro, director do festival, invita a participar nela a todos os colexios porque "é unha das actividades máis interesantes e bonitas do festival".

Na rolda de presentación do cartel da nova edición do Primavera do Cine de Vigo tamén se deu a coñecer a colaboración que existe entre o festival e o Conservatorio Superior de Música de Vigo para promocionar o Festival Nas Ondas e, en concreto, un dos seus actos máis espectaculares, "A pasión de Juana de Arco", que terá lugar o 2 de abril. Nesta actividade, Brais Rodríguez, integrante do grupo Caspervek, xunto coa Orquesta 430 e un coro porá música a un dos grandes clásicos do cine mudo do gran cineasta Carl Theodor Dreyer.