Eterno Xosé Manuel Pazos en Cangas: piden que o Auditorio Municipal leve o seu nome
Unha representación de asociacións culturais e educativas de toda Galicia presentaron no Rexistro do Concello de Cangas a iniciativa impulsada pola Mostra de Teatro Cómico e Festivo de Cangas (MITCFC) para que o auditorio municipal cangués pase a chamarse Auditorio Municipal de Cangas “Xosé Manuel Pazos Varela”, en lembranza e homenaxe ao compromiso coa cultura e o esforzo realizado polo recentemente falecido alcalde de Cangas para que esta infraestrutura, esencial para o desenvolvemento da vila, fose unha realidade.
Desde a organización da MITCFC agradecen o grande apoio recibido por parte das asociacións e entidades culturais, sociais e do eido da educación que non dubidaron en sumarse a esta petición. “Desde o principio vimos arroupada a nosa reivindicación para que Cangas nunca esqueza a importancia de Xosé Manuel Pazos Varela en favor do mundo da cultura no desempeño de todos os cargos que ocupou”, desde a política municipal e tamén como deputado autonómico.
Os colectivos que asinan a iniciativa para que o Auditorio, inaugurado a finais de 2001, leve o nome do alcalde, falecido o 25 de xaneiro deste ano, son: a Academia Galega de Teatro, a Asociación de Actores e Actrices de Galicia (AAAG), a Asociación Arca de Vilanova, a Asociación Cultural ‘A Cepa’, a Asociación Cultural ‘A Pipa’, a Asociación Cultural ‘Belas Artes’ de Cangas, a Asociación Cultural ‘Charaviscas’, a Asociación Cultural ‘Entrebambalinas- Revista Galega de Teatro’, a Asociación Cultural Folclórica ‘Tromentelo’, a Asociación Cultural ‘Lembranzas da Ría’, a Asociación Cultural ‘Peis D’hos’, a Asociación Cultural ‘Xirix’, a Asociación Coral ‘Lestonnac’, a Asociación de Diagnosticadas de Cancro de Mama e Xinecolóxico – (Adicam), a Asociación ‘Doa’ de Saúde Mental, a Asociación Galega de Dramaturxia (Dramaturga), a Asociación Galega de Empresas de Artes Escénicas (Escena Galega), a Asociación Juan XXIII, A Asociación Mulleres de Moaña, a Asociación Nais e Pais do Conservatorio e da Escola de Música de Cangas, a Asociación Pais e Nais de Persoas con Discapacidade do Morrazo (Aspansim), a Asociación Xubilados Santiiago, a Fundación Casa Museo “A Mangallona’, O Grupo de Danzas Pais de San Roque, o grupo de investigación lingüística e de literaria galega ‘Illa’ da Facultade de Filoloxía da Universidade da Coruña e Teatro de Ningures.
Agenda
Volver al Mes actual
Más noticias
O concurso ‘Desconecta’ convida a presentar curtas sobre a tolerancia cero fronte á violencia sexual
Aberto á participación do alumnado dos tres campus da UVigo, o premio entregarase nunhas xornadas que se celebrarán co gallo do 25N
Las cómicas aventuras de dos jubiladas protagonizan una webserie creada por alumnos de la UVigo
La divertida webserie, resultado de un taller del Curso de Medios Audiovisuais, se estrena este viernes en el Aula de Cine
A Xunta homenaxea a Ledicia Costas co Día das Escritoras pola súa difusión do galego
Reivindican a "excelsa calidade" da obra de Ledicia Costas, "unha das máis lidas e premiadas do panorama literario galego
Luto en Galicia por la muerte de Josefa de Bastavales, "pandereteira" y referente del folclore gallego
Josefa, que actuó con artistas como Manu Chao, Cristina Pato o Susana Seivane, fue una de las líderes del movimiento musical y cultural 'Bravú
A profesora da UVigo, Belén Riveiro, premio RAGC-UIE para investigadores novos
Foi distinguida polo seu labor na avaliación de estruturas de enxeñaría civil para previr colapsos en pontes, estradas e vías férreas
Somos metropolitanos. Somos el digital de referencia en Vigo y su área metropolitana. No te pierdas nada. Todas las noticias de Vigo y su área: cultura, planes, deporte...
Toda la actualidad de Vigo y su área, gratis en tu WhatsApp
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal