O Festival Kerouac converte Vigo na cidade da poesía

O Festival Kerouac encherá de poesía e arte todo Vigo. Case sen excepción. Os versos conquistan a urbe galega. Amosan ese poder de supervivencia, de inmortalidade que ten a poesía. A cidade perdeu nos últimos tempos citas como Imaxinasons ou Alt. O Kerouac sobrevive. A súa proposta aparece de nova ante nós de todas as formas posibles. Por terra co Poemóbil, por mar co Poetry on Board, que se celebrará este domingo a bordo do barco que conecta Vigo e Moaña, e polo vento que transmite cada unha das verbas e a arte de personalidades como o grupo Rompente, Silvia Penas, Samir Delgado ou Rocío Cerón.

O festival vigués celebrarase do 3 ao 6 de outubro. As catro xornadas desenvolveranse en diferentes emprazamentos. A programación do Kerouac comeza este xoves 3 de outubro na Galería Sargadelos. A primeira proposta será o obradoiro chamado “Con Barqueira e Remador”, unha actividade centrada na tradución poética, localizada xeograficamente na illa de San Simón, un espazo de inspiración. A directora desta proposta, Yolanda Castaño, estarán presentes na cita inaugural do festival xunto a Gonzalo Hermo, Adrián Grima, Manal Al Sheikh, Arvis Viguls, Itisha Girl e Rui Cóias, que compartirán parte das conclusións tras as súas xornadas de traballo en San Simón.

Másnoticias

Arrancan las obras del nuevo hotel en el Casco Vello de Vigo con terraza y "asombrosas" vistas a la ría

17/05/2025

¿Por qué enamora Vigo a las personalidades más famosas de España?

17/05/2025

O Kerouac trasladase o venres á Fundación Barrié. Ás 19:30 horas, será o momento de gozar de novo con Rompente, o grupo formado por Antón Reixa, Manuel M. Romón e Alberto Avendaño nesa viaxe á orixe da poesía en Vigo. Nesta xornada tamén poderemos coñecer a nova proposta das galegas Silvia Penas e Tamara Andrés, “Cartografías para un pergamiño portátil”. O evento completase coa participación de Montenegro Fisher e Spiegel Poesie. O prezo da entrada é de 5,77 euros e pódese mercar na plataforma de Eventbrite (premer aquí).

Coa chegada da fin de semana, o Kerouac duplica as súas propostas. A primeira terá lugar no restaurante de El Corte Inglés a partir das 19:00 horas cos recitais de Rocío Cerón, Montenegro Fisher, Constante Hurlé e Rui Grenha e Bea López. A xornada culmina na Sala Radar coas propostas da Lisbon Poetry Ensemble, que chega a Vigo gracias a colaboración do Instituto Camões co festival, e Moloch.

O colofón do Kerouac celebrase o domingo 6 de outubro. Todo comezará cunha sesión vermú na Taberna do Náutico ás 13:00 horas, unha proposta con programación tamén para os máis cativos e coa que o festival quere “democratizar” a cita a través do chamado “micro aberto”. Ademais de incentivar a participación do público, que pode compartir as súas propias creacións, poderemos gozar coa poesía de Samir Delgado, Rocío Cerón, Montenegro Fisher, Lúa Mosquetera, Beatriz Alonso e Daniel Rodríguez.

A poesía tamén navegará pola ría de Vigo coa proposta "Poetry on Board". Será no barco que une a urbe galega con Moaña. A mesma ruta que inspirou a Domingo Villar na súa última novela, “O último barco”, será o escenario dos recitais de Rocío Cerón, Samir Delgado e Montenegro Fisher.

O Festival Kerouac pechará a súa edición nun dos lugares máis emblemáticos y singulares de Vigo, “O muro dos poetas”. Neste espazo celebrarase un acto de clausura cos versos de poetas de todo o mundo. O evento converterá a Vigo nunha cidade cosmopolita coa arte e co poder da poesía. Este desenlace terá lugar ás 19:00 horas neste espazo situado na rúa Londres, preto do Museo MARCO.