O FICBueu proxectará 128 filmes do 10 ao 19 de setembro

O Festival Internacional de Curtametraxes de Bueu vén de publicar a selección de obras para a súa 14º edición, logo de recibir preto de 2.062 propostas e de visionar a maiores centos de filmes suxeridos polo equipo seleccionador. Entre o 10 e o 19 de setembro proxectaranse no Centro Social do Mar un total de 128 títulos procedentes de máis de 30 países, ofrecendo deste xeito unha ampla panorámica do mellor cinema mundial en formato curto.

O principal apartado do certame é a Sección Internacional, que se compón de 24 curtas das que seis están producidas ou coproducidas por Francia, poñendo de relevo a fortaleza da cinematografía gala. Séguenlle Estados Unidos, con catro participacións, e Canadá, con tres, aínda que tamén estarán presentes Asia, África e Latinoamérica. Así mesmo, mantense o número de directoras, pois volvemos atopar unha decena. En canto aos xéneros, destaca o documental, nunha cuarta parte das cintas. Nas temáticas percíbese unha gran variedade, pero segue pesando o cinema social e destaca tamén a busca da identidade: de xénero, relixiosa, etc.

Másnoticias

El planazo por la ría de Vigo por Navidad, travesía en barco con fiesta y barra libre de mejillones

19/11/2025

El Entroido se adelanta en Bueu con un desfile cargado de tradición

08/11/2025

A Sección Experimental amplíase este ano ata os trece títulos, mentres que o apartado Galicia R contará con seis e España con cinco. Os capítulos competitivos péchanse coa Sección Escolas, que reúne un total de 15 filmes entre escolas de cinema internacionais e centros de ensino galegos dos distintos niveis educativos, que terán a súa propia entrega de premios.

En canto aos apartados non competitivos, retómase a Sección Panorama, onde se amosarán dez das mellores curtas que non chegaron a entrar a concurso pero que recibiron unha alta valoración por parte do comité de selección. Haberá tamén unha nova Retrospectiva, centrada desta volta en 25 títulos da National Film Board of Canada (NFB), a maior produtora de carácter público do mundo. O FICBUEU 2021 ofrecerá ademais como novidade unha Carta Branca, sesión comisariada neste caso por Marc Bertrand, que leva máis de dúas décadas producindo cintas de animación na NFB. As seccións paralelas completaranse co Minific, que se divide en curtas familiares, cativas, infantís e xuvenís, as tres últimas para centros escolares.

En total, serán máis de trinta sesións de cine no Centro Social do Mar, onde se garantirán as necesarias medidas de seguridade perante a Covid-19. As proxeccións combinaranse con múltiples actividades como concertos, obradoiros ou charlas. O FICBUEU 2021 conta coa colaboración de diversas entidades, entre as que destacan Concello de Bueu, Deputación de Pontevedra, Xunta de Galicia e ICAA.

Sección Internacional

• Bella - Thelyia Petraki (Grecia)
• La Traversée - Ève Saint-Louis (Canadá)
• Huntsville - Station Chris Filippone, Jamie Meltzer (Estados Unidos)
• Nos Lions - Mereike Engelhardt (Francia)
• What we don’t know about Mariam - Morad Mostafa (Exipto)
• Son of Sodom - Theo Montoya (Colombia/Arxentina)
• Ce qui résonne dans le silence - Marine Blin (Francia)
• Sër bi - Moly Kane (Francia)
• David - Zachari Woods (Estados Unidos)
• Dustin - Naïla Guiguet (Francia
• People in motion - Christoph & Wolfgang Lauenstein (Alemaña)
• I am afraid to forget your face - Sameh Alaa (Exipto/Francia/Qatar/Bélxica)
• The rifleman - Sierra Pettengill (Estados Unidos)
• Ned & me - Lorna Nickson (Reino Unido)
• Sestre - Katarina Rešek (Eslovenia)
• Every day’s like this - Lev Lewis (Canadá)
• Witness - Ali Asgari (Francia/Irán)
• Lemongrass girl - Pom Bunsermvicha (Tailandia)
• Hysterical girl - Kate Novack (Estados Unidos)
• The cloud is still there - Mickey Lai (Malaisia)
• Still processing - Sophy Romvari (Canadá)
• Motus - Elodie Wallace (Francia)
• A holiday from mourning - Zara Dwinger (Países Baixos/Portugal)
• Stephanie - Leonardo Van Dijl (Bélxica)

Sección España

• Correspondencia - Carla Simón, Dominga Sotomayor
• Reflejo - Juan Carlos Mostaza
• Ya no duermo - Marina Palacio
• El mártir - Fernando Pomares
• Farrucas- Ian de la Rosa

Sección Galicia R

• Augas abisais- Xacio Baño
• Monte bravo - Noelia María Muíño
• Os corpos - Eloy Domínguez
• 1,34943X10E4 - Juan Lesta
• Mentres iso pasa - Nacho Ozores
• Homless home - Alberto Vázquez

Sección experimental

• No leaders please - Joan Gratz
• El ruido solar - Pablo Hernando
• Masters of the land - Jan Locus
• Maalbeek Ismaël - Joffroy Chandoutis
• On time Zbigniew - Czapla
• O - Paul Wenninger
• Room with a view - (LA)HORDE
• A view from above - Dylan Werkman
• Thanadoula - Robin Mckenna
• In the air tonight - Andrew Norman Wilson
• The end of suffering (a proposal) - Jacqueline Lentzou
• Blue affair - Kosuke Okahara
• Al motociclista no le cabe la felicidad en el traje - Gabriel Herrera