O novo “capítulo” do Galician Freaky Film Festival xa ten data

A nova edición do Galician Freaky Film Festival xa está na cociña. A organización do evento abriu o pasado xoves 13 de febreiro o prazo para inscribir traballos audiovisuais nesta cita que volverá en 2020 coa súa festa de vampiros, monstros, bechos, naves espaciais, mortos viventes e tódolos subxéneros imaxinables que conforman o fascinante mundo do cinema de serie B e o mundo freak. “O ano pasado non cabía máis xente na sala”, sinalaba Juan de Castro, director do certame. “Por iso nesta edición aumentamos un día máis o festival”. Así, o GFFF 2020 ampliará a súa proposta ata levala a catro xornadas que comezarán o 28 de outubro e chegará ata a noite de Samaín, o 31 de outubro.

O espírito do evento manterá os seus pilares fundamentais. Pezas dos xéneros máis clásicos do mundo freak, exposicións, performances, concertos, cervexa e unha Sala Videodrome que se converterá un ano máis no perfecto espazo para albergar o que xa é unha cita imprescindible para os amantes do gore, das tramas máis incribles e do rural freak galego. “Non se trata só de ver as pelis, sempre intentamos que o feito de achegarse ata a Videodrome sexa unha experiencia freak completa”, apunta De Castro.

Másnoticias

Pep Moreno, Estrella Michelin: "Galicia tiene un productazo, pero debe perder miedo a ser moderna"

01/07/2025

Las Fiestas de Coia de Vigo confirman su nueva programación, esto es lo que habrá y lo que no

01/07/2025

Se o ano pasado foron máis de 200 as películas que se enviaron para participar no festival, este ano a organización pretende superar esa cifra. “Recibimos traballos dende USA, Francia, Irán e Países Baixos”, sinala Miriam P. Álvarez, encargada da produción do evento.

Todos aqueles interesados en enviar os seus proxectos para seres seleccionados poden consultar as bases na páxina web do Galician Freaky Film Festival e poderán facer a inscrición ata o vindeiro 27 de xuño a través de diferentes plataformas coma Movibeta, Clickforfestival, Clermont Ferrand ou o formulario propio que hai na web oficial do festival. Os organizadores anuncian máis sorpresas e, por enriba de todo, unha xenuína festa ao máis puro estilo friki.