“O que arde” inaugurará os luns de cinema ao aire libre de Nigrán

O Concello de Nigrán e o cineclub Val Miñor-Alice Guy trasladan a súa actividade ao exterior e ofrecen os vindeiros tres luns o seu primeiro ciclo de cinema ao aire libre ás 22:30 horas na Praza do Concello.

As proxeccións comezarán este luns 13 de xullo coa película do galego Oliver Laxe ‘O que arde’, premio do xurado en Cannes (2019) e mellor fotografía e actriz revelación nos Goya. O filme preséntanos a Amador, a quen ninguén espera cando sae do cárcere tras cumprir condea por ter provocado un incendio. Regresa a súa casa, unha aldea das montañas lucenses, onde voltará a convivir, ao ritmo sosegado da natureza, coa súa nai, Benedicta, a súa cadela e ás súas tres vacas.

Másnoticias

Baiona celebra su Magosto con 260 kilos de castañas gratis y música al atardecer

13/11/2025

El cine del área de Vigo que es gratis y que proyecta películas históricas ofrece estas dos sesiones especiales

11/11/2025

O seguinte luns, 20 de xullo, proxectarase a película de Charles Chaplin ‘La Quimera del Oro’ coa gran particularidade de que a banda sonora estará musicada en directo polo guitarrista nigranés Felipe Villar, director do Nigranjazz que, precisamente, da comeza nesa semana. Este filme está considerado como la comedia más perfecta de Chaplin. En 1925, na súa estrea en Berlín, a ovación do público asistente ao finalizar foi tan grande que volveron a poñela desde o principio.

Para finalizar, o luns 3 de agosto, será a quenda de ‘La playa de los ahogados’, longametraxe de Gerardo Herrero baseada no libro do vigués Domingo Villar e que ten moita vinculación con Nigrán ao desenvolverse boa parte da trama (da novela e da película) no municipio.