Os vigueses Cuarteto Caramuxo entran na lista de novidades máis prestixiosa do mundo

Cuarteto Caramuxo acaba de entrar directamente ao posto 17 da World Music Charts Europe, a lista de novidades do estilo máis prestixiosa do mundo. O novo traballo do grupo vigués, “Reviravoltas”, foi escollido entre centos de propostas por un xurado conformado polos Djs dos principais programas do xénero de todo o planeta.

O sexteto, conformado por catro clarinetistas, un acordeonista e unha percusionista que reinterpreta música popular galega, tamén acadou o terceiro posto na lista do recoñecido Global Village. Un programa capitaneado por Chris Heim, un veterano locutor que emite para todos os Estados Unidos como líder indiscutible de audiencia.

Másnoticias

La calle Príncipe de Vigo se convertirá en el gran escenario de una nueva actuación musical

17/05/2025

O Rosal prepara una transformación integral para confirmarse como referente musical

13/05/2025

O pasado mes de febreiro o Cuarteto Caramuxo publicou “Reviravoltas”, o terceiro traballo discográfico do grupo. Neste novo álbum, a banda segue apostando firmemente pola riqueza do legado de Casto Sampedro e a súa encomiable labor de recuperación da tradición oral como base para construír a súa contemporánea e emocionante interpretación da tradición.

Gravado en xullo de 2021, nos estudos de Planta Sónica de Vigo, o repertorio de “Reviravoltas” experimenta con disciplinas e estilos diversos e promete colaboración de alta intensidade. Sempre coa impronta que lles caracteriza, arriscando e reivindicando o papel crucial do clarinete no acervo cultural galego, esquecido en tantas ocasións. Cun total de nove cortes e algunha que outra sorpresa, “Reviravoltas” soa intrépido, atrevido e á vez harmonioso, con bravura e o poder das raíces galegas como protagonista absoluto.