Panaderías de Ponteareas que difunden a figura de Antón Fraguas polo Día das Letras Galegas

Hai moitas formas de celebrar o Día das Letras Galega. Ademais dos diversos actos que teñen lugar nos concellos de Vigo e a súa área, Ponteareas decidiu crear unha iniciativa coa que as panaderías locais difunden a vida e obra de Antón Fraguas nas 8.000 bolsas de papel que, nestes día tan especial para a cultura galega, portarán as veciñas e veciños da localidade do Condado.

Un ano máis, o Día das Letras Galegas chega a todos os recunchos tanto do centro urbano como das parroquias con iniciativas culturais, comerciais e de lecer. Na tarde deste 17 de maio, Ponteareas acolle dende ás 18:00 horas na Praza Maior o espectáculo do Circo Chosco, que porá en escena “Riscando o ceo”. Ás 18:00 horas no Centro Cultural de Xinzo os nenos da parroquia falarán sobre a vida e obra de Antón Fraguas, actuará o grupo de baile e haberá teatro do alumnado do IES Val da Louriña do Porriño dirixido por Delio García Represas e o dúo Aldaolodo co espectáculo “Cría fama e bótate a correr” pechará os actos en Xinzo. Tamén ás 19:00 horas dentro do programa Cultura 24 na Casa Cultural de Prado actuará o monologuista Avelino González. Ás 20:00 horas, na Praza Maior, concerto da banda de música Reveriano Soutullo e na Casa Cultural de Arcos, ás 20:30 horas, haberá teatro co grupo Pena do Equilibrio, que representará a obra “Simplemente persoas”.

Másnoticias

Ponteareas aprueba la creación de un nuevo recinto deportivo con pista de atletismo

22/11/2024

De la fiesta de las tartas al universo Harry Potter, 10 planes 'top' en Vigo y área para el finde

22/11/2024

O domingo 19 de maio, ás 19:00 horas, dentro da programación de Cultura 24 na Casa Cultural de Areas teremos “Contos e historias” con Celso Fernández Sanmartín e ás 20:30 horas dentro de Cultura 24 no centro Antorcha de Crístiñade actuará Voces do Arrieiro.

Ademais destes actos, a concellería de Cultura tamén puxo a disposición das parroquias a exposición dos cartaces que recollen a vida e obra de Antón Fraguas, acollen esta mostra un total de nove centros e casas culturais.

Dende a concellería de Cultura tamén se están a entregar nas parroquias un lote de libros editado polo concello sobre autores e artistas ponteareáns. “Felicito e agradezo a todas as asociacións culturais e veciñais que se involucraron en poñer en valor a nosa cultura e os nosos escritores”, sinalou a concelleira Hortensia Bautista.