Os Servizos Sociais de Chapela pasan ó multiúsos Piñeiral do Crego

Tal e como estaba previsto, no día de onte comezaron as obras de "acondicionamento, adaptación e mellora enerxética" das dependencias de Servizos Sociais de Chapela, traballos que contan cun investimento de 175.329,00 euros (IVE incluído) con cargo aos fondos EDUSI Redondela 2020. Mentres duren as obras, as persoas usuarias dos servizos sociais de Chapela serán atendidas nas oficinas provisionais que a Concellería de Servizos Sociais vén de habilitar no multiúsos Piñeiral do Crego. “Trátase dun servizo esencial para a veciñanza –destaca Iria Vilaboa– e que, como tal, non pode deixar de atender ás persoas usuarias”.

Tanto a concelleira como a alcaldesa, Digna Rivas, subliñan que, dadas as especiais condicións de privacidade que a prestación dos servizos sociais require, “as dependencias provisionais serán independentes do resto de servizos do multiúsos contando cunha entrada aparte do resto da instalación”. O servizo, para maior efectividade e evitar esperas, seguirá funcionando baixo o sistema de cita previa que se pode solicitar no teléfono 986 45 89 93

Másnoticias

Renuncia por motivos de salud el concejal de Redondela Iván Valles

16/09/2025

Estas son las fiestas gastronómicas imprescindibles en Galicia en la segunda quincena de septiembre

15/09/2025

Rivas, agradeceu o traballo realizado pola Concellería de Servizos Sociais e as súas traballadoras “á hora de habilitar unhas dependencias que, aínda que provisionais, son funcionais e cumpren á perfección os requisitos esixible para a prestación do servizo”. Ao mesmo tempo, a alcaldesa fixo fincapé na importancia das obras que se están a realizar nas dependencias dos Servizos Sociais de Chapela que, apuntou, “permitirán que tanto persoas usuarias como persoal municipal, poidan contar con instalacións modernas, cómodas e funcionais”.

As novas oficinas serán totalmente accesibles e contarán con elementos que garantan a súa eficiencia enerxética, explican dende o Goberno local.