"Contacontos de libros contentos" con Carmen Domech, este mércores en Tui

“Contacontos de libros contentos” é o título do contacontos que Carmen Domech achega este mércores, 13 de outubro, ás 18:00 horas, á Biblioteca Pública Municipal de Tui. Esta actividade forma parte do programa do Mes da Biblioteca que comezou o pasado 22 de setembro e continuará até o 25 deste mes.

O contacontos destes mércores vai dirixido especialmente a nenos e nenas de 4 a 11 anos. Nesta sesión Carmen Domech exporá as cousas fantásticas que contan os libros, sucesos incribles de libros tímidos, divertidos, intrépidos, deliciosos… Para participar recoméndase inscrición presencialmente na Biblioteca Municipal de Tui ou no seu correo electrónico biblioteca@tui.gal

Másnoticias

Noelia Ortiz y "la experiencia indescriptible" de representar a Galicia en el certamen Miss Spain

31/10/2025

Galicia cataloga 196 "tesoros" en la costa del área de Vigo para facilitar su recuperación con nuevos usos

28/10/2025

Carmen Domech comezou en 1987 a súa andaina no ámbito da literatura infantil e da animación á lectura como membro fundador e activo do Seminario de Animación a la Lectura y Literatura Infantil de la Escuela de Animación de la C.A.M. Ten participado na organización de ciclos de conferencias e cursos sobre literatura infantil e animación á lectura.

Como membro do colectivo Dingolondango, ao longo de sete anos, a súa actividade principal centrouse na realización de obradoiros e de contacontos dirixidos a rapaces, e de cursos de formación para monitores de tempo de lecer, profesores e bibliotecarios. Na actualidade, Carmen Domech realiza sesións de contacontos en colexios, bibliotecas, ou centros culturais. Dende 1993, forma parte da compañía de títeres CACHIRULO, na que realiza funcións de deseño e construción de monicreques e manipulación.