Contacontos para bebés na Biblioteca Municipal de Tui

A Biblioteca Pública Municipal de Tui completa a súa oferta de actividades de Nadal este xoves 2 de xaneiro, ás 17:00 horas, cunha sesión de contacontos dirixida a bebés e nenos e nenas con idades entre 0 e 3 anos. Esta proposta de ocio infantil correrá a cargo de Migallas Teatro co título de “Os contos do chupete”.

Este espectáculo trátase dunha sesión de contos para bebés na que se integran música en directo, literatura infantil, expresión dramática e tradición oral. Os cativos poderán chuchar contos, canción e arrolos ata encher a barriguiña nesta proposta para bebés na que poderá gozar toda a familia.

Másnoticias

La Deputación destaca las actuaciones clave en estos 15 concellos del sur de la provincia de Pontevedra

20/11/2024

Un ciclista herido tras caer por un desnivel de 50 metros en el Monte Aloia

17/11/2024

A actividade parte de que Bea ten un problema. O seu lobo leva chupete. Cada vez que llo intentan quitar, chora. Pero chora moito, a quen se lle conte, un lobo con chupete! Está desconsolado. Contos, cantos e cancións serán a solución. É unha sesión de contacontos na que participan tanto os cativos e as cativas como os seus pais e nais, pois está orientada para toda a familia.

A Concellería de Cultura tudense continúa con esta actividade promovida pola Biblioteca Municipal a súa aposta pola promoción e animación á lectura entre todos os segmentos de idade, neste caso para os usuarios máis cativos, para eles tamén hai sitio no espazo cultural.