A compañía Baobab Teatro leva ao Auditorio de Goián de viaxe polo espazo

A compañía “Baobab Teatro” chega este sábado 8 de xuño ao Auditorio de Goián co espectáculo “Martes”. A función, encadrada dentro do programa de Educación Familiar “Medrando en Familia”, será ás 19:00 horas con entrada de balde. Esta será a única peza teatral destinada de forma específica ao público familiar con nenas e nenos de entre 2 e 7 anos. A representación está subvencionada pola Deputación de Pontevedra a través do programa Pontegal e conta tamén coa colaboración do Concello de Tomiño.

“Martes” é unha obra feita coa técnica coñecida como luz negra, unha iluminación especial fai posible que os manipuladores se manteñan ocultos á vista do público á vez que posúen liberdade absoluta para conducir os movementos dos monicreques, que parecen flotar ingrávidos como por encantamento.

Másnoticias

La Deputación destaca las actuaciones clave en estos 15 concellos del sur de la provincia de Pontevedra

20/11/2024

Tomiño busca los mejores árboles de Navidad, que decorarán una plaza

17/11/2024

O espectáculo que representará este sábado 8 de xuño a compañía “Baobab Teatro” foi seleccionada na Feira Europea de Artes Escénicas para Nenos e Nenas 2015 (FETEN) e está recomendada pola Rede Española de Teatros, Auditorios, Circuítos e Festivais, a Rede Sarea do País Vasco e tamén forma parte do Catálogo Platea 2015.

“Martes” está recomendada para a cativada con idade entre os 2 e os 7 anos, aínda que tamén para eses adultos (pais, tíos ou avós) dispostos a gozar como auténticos nenos. O espectáculo leva ao público a Galaxia Leo T, formada por planetas, estrelas e Martes. Martes é un ser espacial que vive entre a Lúa e as Estrelas. Gústalle xogar con elas e nunca, nunca se afasta. Tenlle medo ao lobo, aos monstros, aos tronos e aos pedos. Por iso nunca saíu da Lúa, dorme no seu colo e sácalle brillo para non quedar a escuras. Martes naceu un día de lúa chega, algúns din que é fillo da Lúa pero iso non o sabemos, para iso inicia unha viaxe máis aló do Sol e de camiño coñecerá divertidos e estrañas personaxes.