O Museo do Mar celebra a Semana Santa con actividades para os cativos

O Museo do Mar de Galicia, situado na Avenida da Atlántida en Vigo, contará durante esta Semana Santa con diversas exposicións e actividades complementarias para nenos e nenas de todas as idades.

A iniciativa da Xunta de Galicia, que se replica en todos os centros museísticos de administración autonómica, busca “facilitar o achegamento dos rapaces a estes centros durante as vacacións”. As actividades desenvolveranse dende o martes, 27 de marzo, e até o domingo, 1 de abril.

Másnoticias

Arranca la Navidad de Vigo con un mensaje para Palestina y un cortocircuito que casi arruina el encendido

15/11/2025

Galería de fotos | Las fotos que resumen el Encendido de la Navidad de Vigo 2025

15/11/2025

Este martes, mércores e xoves, ás 12.00 horas e con reserva previa, os nenos de a partir seis anos poderán desfrutar de “Mar, orixe da vida”, que descobre a xénese marítima da vida na terra. A través de elementos da exposición permanente e con recursos didácticos, os participantes elaborarán ademais unha réplica dun fósil mariño que poderán levar á súa casa.

Pódeche interesar: Unhas festas de San Telmo en Tui para os máis pequenos

Do venres ao domingo, tamén ás 12.00 horas, con “Arqueoloxía, unha ciencia por descubrir” tírase partido do castro parcialmente escavado que existe no museo para coñecer o traballo dos arqueólogos, non só de xeito teórico, senón cunha recreación práctica.

Finalmente, todos os días até o domingo, ás 17.30 horas, haberá visitas guiadas ao museo, para coñecer as súas instalacións e contidos de xeito máis detallado.

Os interesados poden obter máis información no caso das reservas a través do teléfono do museo no 986 24 77 50.